Mose IV, 14:9 - BAIBLO ALOO NGMAMI KLƆUKLƆU Ɔ

⁹ Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Mose IV, 14:9 ပူးပေါင်းရင်းမြစ်များ

Mose I, 48:21

Kɛkɛ nɛ Yakob de Yosef ke, “Kaa bɔ nɛ o ngɛ hyɛe ɔ, i miɔ nɛ ma gbo. Mawu kɛ nyɛ maa hi si, nɛ e maa kpale nyɛ kɛ ya nyɛ nɛmɛ a zugba a nɔ.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

La 106:24

Wa nɛmɛ ɔmɛ tu we zugba saminyayoo ɔ he munyu kpakpa, ejakaa si nɛ Mawu wo mɛ ɔ, a he we yi.

La 121:5

Yawɛ ji o yi baalɔ. E ngɛ o kasa nya, konɛ e bu o he.

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:8

Nyɛɛ hyɛ níhi nɛ Yawɛ tsu, bɔ nɛ e kpata níhi a hɛ mi ngɛ zugba a nɔ.

La 74:14

Lohwe ɔ nɛ a tsɛɛ Leviatan ɔ, mo lɛ o ywia e yi, nɛ o ngɔ e he lo ɔ ngɔ ha nga nɔ lohwehi nɛ a ye.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

Yeremia 42:11

Nyɛ ko ye Babilonia matsɛ ɔ gbeye hu. I kɛ nyɛ ngɛ, nɛ ma je nyɛ kɛ je e dɛ mi.

Yeremia 48:45

Nihi nɛ a he wami ta maa ka kaa a maa tu fo nɛ a ya laa a he ngɛ Heshbon mɔ ɔ mi, he nɛ Matsɛ Sihon ye tsɛ ngɛ be ko ɔ. Se la sã Moab zugba a tsuo; atuã tsɔli nɛ ɔmɛ a zugba a sã kɛ je zugba a nya he kake kɛ ya si he kake.

Daniel 9:5

“Wa pee yayami; wa tɔ nɛ wa pee yi wu tso níhi. Wa tsɔ o hɛ mi atuã, nɛ wa yi o mlaa amɛ a nɔ.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.

Mose IV, 13:30

Kɛkɛ nɛ Kaleb kuɛ wo ma a ngɛ Mose hɛ mi, nɛ e de mɛ ke, “Nyɛ ha waa ya esɔesɔ nɛ wa ya ngɔ zugba a; ejakaa wa ma nyɛ ngɔ faa.”

Mose IV, 17:6

Mose kɛ Israel ma a ya tu, nɛ wɛtsoyi ɔmɛ tsuo ngɔ dɛma tso kakaaka kɛ ba; lɛ tsuo peeɔ nyɔngma kɛ enyɔ, nɛ Aaron tso ɔ hu piɛ he.

Mose IV, 20:2

Nyu be he nɛ ma a ya to si ngɛ ɔ; lɔ ɔ he ɔ, ni ɔmɛ tsɛ kpe ngɔ wo Mose kɛ Aaron a he,

Mose IV, 24:8

Benɛ Mawu je lɛ kɛ je Egipt kɛ ma a, e he wami ngɛ kaa pu mi na ku he wami. Ma je li ɔmɛ nɛ ji e he nyɛli ɔmɛ ɔ, e maa ye mɛ tsuatsuaatsua; e maa ywia a wu ɔmɛ mɔnyɔmɔnyɔ, nɛ e kɛ e kɛ̃ɛ̃ mi bi ɔmɛ maa gbɔ a mi mi kɛ ya pa si.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose V, 1:26

“Se nyɛ tsɔ Yawɛ, nyɛ Mawu ɔ hɛ mi atuã; nyɛ bui e fami ɔ fɛɛ; nyɛ kua yo ɔ kuɔmi;

Mose V, 1:29

“Se i de nyɛ ke, ‘Nyɛ ko nu sawale, nɛ nyɛ ko ye mɛ gbeye.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Mose V, 32:42

Muɔ ma tsle ngɛ ye kɛ̃ɛ̃ mi bi ɔmɛ a he kɛ pue si; nɛ ye klaate ɔ maa gbe nihi nɛ teɔ si woɔ mi ɔ. Nihi nɛ kɛ mi na ta a, a ti nɔ ko nɔ ko be e he yee; nihi nɛ plaa, kɛ nihi nɛ a nuu ngɛ ta mi po, ma gbe mɛ!’

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”

Manyadali 1:22

Yosef bi ɔmɛ, nɛ ji Efraim kɛ Manase wɛtso ɔmɛ hu ya tua Betel nɛ sa a, e biɛ ji Luz ɔ; nɛ Yawɛ piɛ a he. Kekleekle ɔ, a tsɔ nihi ya slaa ma a lolo.