Mose IV, 14:45 - BAIBLO ALOO NGMAMI KLƆUKLƆU Ɔ

⁴⁵ Kɛkɛ nɛ Amalek bi, kɛ Kanaan bi nɛ ngɛ jamɛ a yoku ɔ nɔ ɔ ba tua mɛ, nɛ a ye a nɔ; nɛ a fie mɛ kɛ ya si Horma tɔɔ.

Mose IV, 14:45 ပူးပေါင်းရင်းမြစ်များ

Mose IV, 21:3

Yawɛ bu Israel bi ɔmɛ a gbi tue, nɛ e ngɔ Kanaan bi ɔmɛ kɛ wo a dɛ mi; nɛ a kpata a kɛ a ma amɛ a hɛ mi pɛsɛpɛsɛ. Lɔ ɔ he ɔ, a wo lejɛ ɔ biɛ ke Horma.

Manyadali 1:17

Yuda bi ɔmɛ, kɛ a nyɛmimɛ Simeon bi ɔmɛ ho ya tua Kanaan bi nɛ ngɛ Zefat ɔ. A gbe mɛ basabasa, nɛ a kpata ma a hɛ mi pɛsɛpɛsɛ; nɛ a wo ma a biɛ ke Horma.

Mose V, 1:44

Kɛkɛ nɛ Amor bi ɔmɛ nɛ ngɛ Edom yo ɔmɛ a nɔ ɔ je kpo kɛ ba kaa hwo bihi, nɛ a kɛ nyɛ ba kpe. A fie nyɛ hluu kɛ ya su Horma, nɛ a ye nyɛ nɔ ngɛ lejɛ ɔ, ngɛ Edom yo zugba a nɔ.

Mose IV, 14:43

Ke nyɛɛ kɛ Amalek bi ɔmɛ, kɛ Kanaan bi ɔmɛ ya bua a, nyɛ maa nɔ ngɛ klaate nya. Yawɛ be nyɛ he piɛe, ejakaa nyɛ kua lɛ.”

Yoshua 7:5

Ai bi ɔmɛ wo mɛ fo kɛ je ma a agbo ɔ nya kɛ ya su he nɛ a gbaa tɛ ngɛ ɔ, nɛ a gbe Israel bi ɔmɛ maa pee nihi nyingmi etɛ kɛ ekpa benɛ a ngɛ si kplee ɔ. Nɛ e pee ja a, Israel ma a tsui po, nɛ a he jɔ kaa nyu.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Mose II, 17:16

E de ngɔ piɛ he ke, “Yawɛ hɛɛ e we aflangaa a ngɛ e dɛ mi. Yawɛ kɛ Amalek bi ɔmɛ maa hwu kɛ maa ya neneene!”

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Mose IV, 15:1

Yawɛ de Mose ke,

Samuel I, 30:30

nihi nɛ ngɛ Horma, Borashan, Atak,

Samuel I, 4:2

Ta a mi wa saminya. Filisti bi ɔmɛ ye Israel bi ɔmɛ a nɔ, nɛ a gbe a ta buli maa pee akpe eywiɛ.

Samuel I, 27:8

Ke pee ɔ, David kɛ e we bi ɔmɛ maa hia ya tua nihi nɛ ngɛ Geshur, Girzi, kɛ Amalek. Nimli nɛ ɔmɛ ji zugbatsɛmɛ ɔmɛ nɛ hi zugba a nɔ kɛ je Shur kɛ ya si Egipt kɛ je teteete.

La 89:43

Ee, o ha nɛ e ta hwumi ní ɔmɛ pee yaka, nɛ e nyɛ we ta a nya nɛ e da.