Mose IV, 14:40 - BAIBLO ALOO NGMAMI KLƆUKLƆU Ɔ

⁴⁰ A te si mɔtu kpla, nɛ a kuɔ yoku ɔ kɛ ho e yi mi ya tɔɔ, nɛ a de ke “Jehanɛ wa dla wa he; wa maa ya he nɛ Yawɛ wo wɔ si ɔ. Kpaako wa na kaa wa pee yayami.”

Mose IV, 14:40 ပူးပေါင်းရင်းမြစ်များ

Mose V, 1:41

“Nyɛ he nɔ ke, ‘Wa tɔ̃ Yawɛ nɔ. Jehanɛ lɛɛ wa maa ya nɛ wa ya hwu ta a kaa bɔ nɛ Yawɛ, wa Mawu ɔ fa wɔ ɔ.’ Kɛkɛ nɛ nɔ tsuaa nɔ wo e ta hwumi ní; nyɛ ngɔ lɛ kaa plasee nɔ́ ko kaa nyɛ ma ya tua yo nɔ ma a.

Luka 13:25

Be ma nɛ wetsɛ ɔ maa te si, nɛ e ma nga sinya a. Kɛkɛ ɔ, benɛ nyɛ daa si ngɛ we ɔ se ɔ, nyɛ ma bɔni sinya a simi. Nyɛ ma de ke, ‘Nyɔmtsɛ, bli wɔ oo, bli wɔ!’ Se e ma he nɔ ke, ‘I li he nɛ nyɛ je!’

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Mose IV, 15:30

“Se ke nɔ ko je blɔ pee yayami ko ɔ, zugba a nɔ fɔmi bi ji lɛ jio, nubwɔ ji lɛ jio, nɔ ɔ bɔ Yawɛ ahlua; a je lɛ kɛ je e ma mi bi ɔmɛ a kpɛti.

Mose IV, 22:34

Balaam de Yawɛ bɔfo ɔ ke, “I pee yayami; i li kaa mo lɛ o ba po mi ngɛ blɔ ɔ nɔ. Lɔ ɔ he ɔ, ke blɔ nɛ i hia nɛ ɔ dɛ ha mo ɔ, lɛɛ ma kpale ye se mɔ.”

Mose V, 1:43

Bɔ nɛ i de nyɛ ji nɛ ɔ nɛ; se nyɛ bui tue. Nyɛ tsɔ Yawɛ hɛ mi atuã; nyɛ si nyɛ gugue, nɛ nyɛ kuɔ kɛ ho yo ɔ nɔ ya.