Mose IV, 14:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, a de a he ke, “Nyɛ ha waa hla wa nyatsɛ nɛ waa kpale kɛ ho Egipt ya.”

Mose IV, 14:4 ပူးပေါင်းရင်းမြစ်များ

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose IV, 14:5

Kɛkɛ nɛ Mose kɛ Aaron ngɔ a hɛ mi ngɔ bu si ngɛ Israel ma mluku ɔ tsuo a hɛ mi.

Luka 17:32

Nyɛ kai Lot yo ɔ!

Ni Tsumi 7:39

“Wa nɛmɛ ɔmɛ bui lɛ, mohu a hɛɛ lɛ soisoi, nɛ a hla kaa a maa kpale a se kɛ ho Egipt ya ekohu.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Hebribi 11:15

Ma mi he nɛ a je ɔ, a ngɛ he susue jinɛ a ko na he blɔ nɛ a kpale kɛ ho lejɛ ɔ ya.