Mose IV, 14:35 - BAIBLO ALOO NGMAMI KLƆUKLƆU Ɔ

³⁵ I ngɛ kita kae kaa nyɛ nimli kpekpemi yiwutsotsɛmɛ nɛ nyɛ tsɔ atuã wo mi ɔ, nɔ́ nɛ ma pee nyɛ ji nɛ ɔ nɛ. Nyɛ tsuo nyɛ ma gbo tlɔ nga a nɔ ngɛ hiɛmɛ nɛ ɔ. Imi, Yawɛ lɛ i de.’ ”

Mose IV, 14:35 ပူးပေါင်းရင်းမြစ်များ

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

1 Korintobi 10:5

Se enɛ ɔ tsuo se ɔ, Mawu na we a ti nihi fuu a he tsui. Lɔ ɔ he ɔ, a kpata a hɛ mi ngɛ nga a nɔ.

Hebribi 3:19

Lɔ ɔ he ɔ, wa naa kaa a nyɛ we nɛ a ya su lejɛ ɔ; ejakaa a he we Mawu yi.

Mose IV, 26:65

Yawɛ de to kaa mɛ tsuo kulaa a ma gbo ngɛ nga a nɔ. Nɛ niinɛ, Yefune binyumu Kaleb, kɛ Nun binyumu Yoshua pɛ ji a ti ni nɛmɛ nɛ piɛ.

1 Korintobi 10:11

Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.

La 78:33

Enɛ ɔ he je ɔ, e po a wami be ɔ nɔ kpiti, nɛ dengme, kɛ nɔ́ nami sɔuu lɛ ngɛ mi.

Mose II, 23:21

Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Ezekiel 20:36

Ma kojo nyɛ nɛ ma bu nyɛ fɔ kaa bɔ nɛ i pee nyɛ nɛmɛ ɔmɛ ngɛ Sinai nga a nɔ ɔ.” Nyɔmtsɛ Yawɛ lɛ de.