Mose IV, 14:34 - BAIBLO ALOO NGMAMI KLƆUKLƆU Ɔ

³⁴ Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Mose IV, 14:34 ပူးပေါင်းရင်းမြစ်များ

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

La 105:42

E kai e tsɔlɔ Abraham, kɛ si nɛ e wo lɛ ɔ.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

La 77:8

Anɛ e mɔbɔ nami ɔ se po jehanɛ lo? Anɛ e pa be e si womi ɔmɛ a nɔ yee hu lo?

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

Ezekiel 14:10

Gbalɔ ɔ, kɛ nɔ nɛ ba bi ní ngɛ e ngɔ ɔ tsuo ma ná tue gblami kake.

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”

Ezekiel 4:6

Ke o gbe enɛ ɔmɛ a nya a, kpale nɛ o hwɔ o hiɔ nɔ, nɛ o tloo Yuda ma a hu a he yayami ɔmɛ ligbi nyingmi eywiɛ. Ligbi kake tue gblami daa si ha jeha kake nɔ́.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Mose III, 20:19

Ke nyumu ko kɛ e nyɛ nyɛmiyo, loo e tsɛ nyɛmiyo na nyumu kɛ yo bɔmi ɔ, musu tloo mɛ, ejakaa nyɛmimɛ ji mɛ.

Zakaria 11:10

Lɔ ɔ se ɔ, i ngɔ dɛma tso nɛ biɛ ji “Dloomi” ɔ, nɛ i ku mi kɛ tsɔɔ kaa somi nɛ i kɛ je ma amɛ tsuo so ɔ, a po mi.

Mose IV, 13:25

A slaa zugba a ligbi nyingmi eywiɛ, nɛ lɔ ɔ se ɔ, a kpale a se

Mose IV, 18:23

Levi bi ɔmɛ pɛ ji ni nɛmɛ nɛ ma tsu ní ngɛ kpe he ɔ; ke sane ko ba a, mɛ lɛ a ma bi. Enɛ ɔ ji mlaa nɛ fɔɔ si daa kɛ ha nyɛ bimɛ; se weto ní ko lɛɛ a be nae ngɛ Israel,

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Ni Tsumi 13:18

E to e tsui si ha mɛ, nɛ e hyɛ a nɔ ngɛ nga a nɔ maa pee jeha nyingmi eywiɛ.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Yoshua 14:10

Se nyɛɛ hyɛ, jeha nyingmi eywiɛ kɛ enuɔ sɔuu ji nɛ ɔ nɛ Yawɛ kɛ Mose tu munyu nɛ ɔ. Jamɛ a be ɔ mi nɛ Israel bi ɔmɛ ngɛ nga a nɔ nyɛɛe ɔ nɛ. Nɛ, kaa bɔ nɛ Yawɛ wo si ɔ, e baa ye yi kɛ ba si mwɔnɛ nɛ ɔ. Nyɛɛ hyɛ mi ha! Amlɔ nɛ ɔ, i ye jeha nyingmi kpaanyɔ kɛ enuɔ,

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.