Mose IV, 14:33 - BAIBLO ALOO NGMAMI KLƆUKLƆU Ɔ

³³ Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Mose IV, 14:33 ပူးပေါင်းရင်းမြစ်များ

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

Mose V, 2:14

Be nɛ e ngɔ wɔ kɛ nyɛɛ kɛ je Kadesh Barnea kɛ ba su be nɛ wa po Zered pa a pee jeha nyingmi etɛ kɛ kpaanyɔ. Jamɛ a yi nɔ bi ta buli ɔmɛ tsuo pɛpɛɛpɛ gbo kaa bɔ nɛ Yawɛ ka mɛ kita a.

Hosea 9:1

Israel ma, nyɛ kpa nyami kaa bɔ nɛ je ma amɛ peeɔ ɔ. Nyɛ je nyɛ Mawu ɔ se, nɛ nyɛ yi lɛ anɔkuale. Nyɛ ngɔ nyɛ he ya mɛtɛ mawu ɔ nɛ a tsɛɛ lɛ Baal ɔ he ngɛ zugba a nɔ tsuo kaa yaholi. Ke blɛfo nya je ɔ, nyɛ ya sãã bɔ ha lɛ, nɛ nyɛ naa lɛ si.

La 107:4

Ni komɛ wo lalaalo ngɛ nga kplanaa nɔ; a nɛ blɔ ko blɔ ko nɛ a kɛ ya ma a mi nɛ a ya hi lejɛ ɔ.

Yoshua 14:10

Se nyɛɛ hyɛ, jeha nyingmi eywiɛ kɛ enuɔ sɔuu ji nɛ ɔ nɛ Yawɛ kɛ Mose tu munyu nɛ ɔ. Jamɛ a be ɔ mi nɛ Israel bi ɔmɛ ngɛ nga a nɔ nyɛɛe ɔ nɛ. Nɛ, kaa bɔ nɛ Yawɛ wo si ɔ, e baa ye yi kɛ ba si mwɔnɛ nɛ ɔ. Nyɛɛ hyɛ mi ha! Amlɔ nɛ ɔ, i ye jeha nyingmi kpaanyɔ kɛ enuɔ,

Mose V, 1:3

Se jeha nyingmi eywiɛne ɔ, nyɔhiɔ nɛ ji nyɔngma kɛ kake ɔ we kekleekle ligbi ɔ loko Mose tu munyuhi tsuo nɛ Yawɛ fa lɛ ke e de Israel ma a kɛ tsɔɔ mɛ.

Mose IV, 33:38

Osɔfo Aaron kuɔ Hor yo ɔ kaa bɔ nɛ Yawɛ fa lɛ ɔ, nɛ e ya gbo ngɛ lejɛ ɔ. Benɛ Israel bi ɔmɛ je Egipt se ɔ, jeha nyingmi eywiɛne ɔ we nyɔhiɔ nɛ ji enuɔ ɔ we kekleekle ligbi ɔ nɛ Aaron gbo ngɛ Hor yo ɔ nɔ.

Mose IV, 5:31

A be nyumu ɔ fɔ ko bue; se ke yo ɔ ye fɔ ɔ, sɔ̃ ɔ maa tloo lɛ yo ɔ.”

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose V, 8:4

Jeha nyingmi eywiɛ nɛ ɔ tsuo mi ɔ, nyɛ tade gba we ngɛ nyɛ he, nɛ nyɛ nanehi hu fuu we.

Mose V, 29:5

Jeha nyingmi eywiɛ sɔuu Yawɛ kpaka nyɛ kɛ gu nga kplanaa a nɔ; nyɛ heha ní gba we ngɛ nyɛ he, nɛ nyɛ tokota amɛ hu tsɔ we.

La 78:33

Enɛ ɔ he je ɔ, e po a wami be ɔ nɔ kpiti, nɛ dengme, kɛ nɔ́ nami sɔuu lɛ ngɛ mi.