Mose IV, 14:24 - BAIBLO ALOO NGMAMI KLƆUKLƆU Ɔ

²⁴ Se ye tsɔlɔ Kaleb lɛɛ slo e mumi; lɛɛ e bu mi tue kɛ ya si nyagbe. Enɛ ɔ he je ɔ, i kɛ lɛ maa su zugba a nɛ a ya slaa a nɔ, nɛ e se bimɛ a nine maa su nɔ.

Mose IV, 14:24 ပူးပေါင်းရင်းမြစ်များ

Efesobi 6:6

pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Se mohu nyɛɛ je nyɛ tsui mi tɔɔ nɛ nyɛɛ pee nɔ́ nɛ Mawu suɔ, ejakaa Kristo nyɔguɛhi ji nyɛ.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Mose V, 1:36

Yefune bi Kaleb pɛ lɛ maa na zugba a. Lɛɛ e ye mi anɔkuale, lɔ ɔ he ɔ, ma ngɔ zugba nɛ e ya slaa a ngɔ ha lɛ kɛ e nina.’

Mose IV, 26:65

Yawɛ de to kaa mɛ tsuo kulaa a ma gbo ngɛ nga a nɔ. Nɛ niinɛ, Yefune binyumu Kaleb, kɛ Nun binyumu Yoshua pɛ ji a ti ni nɛmɛ nɛ piɛ.

Mose IV, 13:30

Kɛkɛ nɛ Kaleb kuɛ wo ma a ngɛ Mose hɛ mi, nɛ e de mɛ ke, “Nyɛ ha waa ya esɔesɔ nɛ wa ya ngɔ zugba a; ejakaa wa ma nyɛ ngɔ faa.”

Kolosebi 3:23

Nɔ́ tsuaa nɔ́ nɛ nyɛ ngɛ pee ɔ, nyɛɛ je nyɛ tsui mi kɛ pee kaa nɔ́ nɛ Nyɔmtsɛ ɔ nyɛ ngɛ pee ha, se pi adesa.

La 119:80

Ha nɛ ma ye o mlaa amɛ a nɔ sisiisi, konɛ zo ko gbe mi!

Kronika II, 25:2

Amazia pee Yawɛ suɔmi nya ní, se pi kɛ e tsui tsuo.

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

La 119:145

I ngɛ ngmlaa kpae kɛ ngɛ mo tsɛe kɛ ye tsui tsuo. Yawɛ, mo ha nɛ ma ye o mlaa amɛ a nɔ.

Mose IV, 14:30

a ti nɔ kake be zugba a nɛ i ka kita ke i kɛ ma ha nyɛ nɛ nyɛɛ hi nɔ ɔ nae, ja Yefune bi Kaleb, kɛ Nun bi Yoshua pɛ.