Mose IV, 14:21 - BAIBLO ALOO NGMAMI KLƆUKLƆU Ɔ

²¹ Se anɔkuale, ligbi abɔ nɛ ye hɛ ngɛ, nɛ imi Yawɛ, ye hɛ mi nyami ma hyi zugba a tsuo tɔ ɔ,

Mose IV, 14:21 ပူးပေါင်းရင်းမြစ်များ

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Mose V, 32:40

Be abɔ nɛ imi ji Mawu nɛ ngɛ kɛ yaa neneene nɛ ɔ, i wo ye nine nɔ, nɛ i ngɛ kita kae kaa

Mateo 6:10

O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Zefania 2:9

Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 18:3

Nyɔmtsɛ Yawɛ ke, “I ngɛ ye he kita kae ke, nyɛ be abɛ nɛ ɔ bue ngɛ Israel zugba a nɔ hu.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Yeremia 22:24

Yawɛ de Matsɛ Yehoyakin, Yuda matsɛ, Yehoyakim bi ɔ ke, “Ligbi abɔ nɛ ye hɛ ngɛ nɛ ɔ, ke mo ji womi nya sɔumi nɔ́ ngɛ ye hiɔ nine nguɛ he po, ma je mo kɛ je lejɛ ɔ,

Mose IV, 14:28

Nyɛ de mɛ ke imi Yawɛ, i ke, ‘Ligbi abɔ nɛ ye hɛ ngɛ nɛ ɔ, ma pee ha nyɛ kaa bɔ nɛ nyɛ bi ɔ.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

La 57:6

Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.

Ezekiel 20:36

Ma kojo nyɛ nɛ ma bu nyɛ fɔ kaa bɔ nɛ i pee nyɛ nɛmɛ ɔmɛ ngɛ Sinai nga a nɔ ɔ.” Nyɔmtsɛ Yawɛ lɛ de.