Mose IV, 14:19 - BAIBLO ALOO NGMAMI KLƆUKLƆU Ɔ

¹⁹ I kpa mo pɛɛ, ngɔɔ ma nɛ ɔ he yayami ɔmɛ kɛ pa mɛ ngɛ o mɔbɔ nami kpetekpleenyɛ ɔ nya, kaa bɔ nɛ o ngɔ a he yayami ɔmɛ kɛ pa mɛ kɛ je Egipt hluu kɛ ba si amlɔ nɛ ɔ.”

Mose IV, 14:19 ပူးပေါင်းရင်းမြစ်များ

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Yona 3:10

Benɛ Mawu na nɔ́ nɛ ni ɔmɛ pee, kɛ bɔ nɛ a tsake a je mi babɛ ɔ, e kpale e nya se. Nɛ yi mi nɛ e to kaa e ma kpata a hɛ mi ɔ, e pee we ja hu.

Daniel 9:19

Nyɔmtsɛ, bu wɔ tue! Nyɔmtsɛ, ngɔɔ kɛ pa wɔ! Nyɔmtsɛ, moo bu wɔ tue, nɛ o pee he nɔ́ ko ha wɔ! Koo to tsle, bɔ nɛ pee nɛ nɔ tsuaa nɔ nɛ le kaa Mawu ji mo! O ma a kɛ e mi bi ɔmɛ ɔ, o níhi ji mɛ.”

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Matsɛmɛ I, 8:34

moo bu mɛ tue ngɛ hiɔwe. Ngɔɔ yayami nɛ o ma a pee ɔ ngɔ pa mɛ, nɛ o kpale mɛ kɛ ba zugba a nɛ o ngɔ kɛ ha a nɛmɛ ɔmɛ ɔ nɔ ekohu.

Mose II, 33:17

Yawɛ de Mose ke, “Nɔ́ nɛ o bi nɛ ɔ hu ma pee ha mo; ejakaa i le mo saminya, nɛ i ngɛ o he bua jɔmi.”

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

La 85:2

O ngɔ o ma a tɔmi ɔmɛ, kɛ a he yayami ɔmɛ tsuo kɛ pa mɛ.

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Amos 7:5

Kɛkɛ nɛ i fa kue ha Nyɔmtsɛ Yawɛ ke, “Nyɔmtsɛ Yawɛ lee, i kpa mo pɛɛ, ha nɛ la a se nɛ po! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”