Mose IV, 14:18 - BAIBLO ALOO NGMAMI KLƆUKLƆU Ɔ

¹⁸ ‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Mose IV, 14:18 ပူးပေါင်းရင်းမြစ်များ

La 145:8

Dloolɔ kɛ mɔbɔ nalɔ ji Yawɛ; e mi mi fu we mla, nɛ e suɔmi hiɛ babauu.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Yeremia 23:2

Ma nɔ yeli ɔmɛ nɛ sa kaa a hyɛ ma a nɔ saminya a, bɔ nɛ Yawɛ, Israel Mawu ɔ ngɛ dee ngɛ a he ji nɛ ɔ nɛ: “Nyɛ hyɛ we ye ma a nɔ fɛɛ! Nyɛ gbɛ mɛ ngɔ fĩa, nɛ nyɛ fie mɛ kɛ ho. Lɔ ɔ he ɔ, ma gbla nyɛ tue ngɛ nyɛ ní peemi ní yayami ɔmɛ a he.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Mose IV, 14:17

Enɛ ɔ he ɔ, i kpa mo pɛɛ, Yawɛ, mo je o he wami kpo kɛ tsɔɔ wɔ, nɛ o ye o si womi ɔ nɔ kaa bɔ nɛ o de wɔ ɔ ke

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Mose V, 5:10

se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ lɛɛ i naa mɛ mɔbɔ.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 108:4

Ejakaa o suɔmi nɛ ngɛ daa a kle kɛ su hiɔwe lokoo, nɛ o we anɔkuale yemi ya su bɔku mi tɔɔ.

La 109:14

Yawɛ mo kai yayamihi nɛ e nɛmɛ ɔmɛ pee ɔ, nɛ e nyɛ he yayami po a ko ngɔ kɛ pa lɛ.

Hiob 21:19

Nyɛ deɔ ke Mawu gblaa bimɛ a tue ngɛ a tsɛmɛ a he yayamihi a he. Dɛbi! Ha nɛ Mawu ɔ nɛ gbla yayami peeli ɔmɛ nitsɛmɛ a tue, konɛ a na kaa a he yayami ɔmɛ a he lɛ a ngɛ a tue gblae ɔ nɛ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.