Mose IV, 13:33 - BAIBLO ALOO NGMAMI KLƆUKLƆU Ɔ

³³ Benɛ wa na oblai agboagbo ɔmɛ, nɛ ji Anak bi ɔmɛ, nɛ wa ngɔ wa he ngɔ to a he ɔ, wa pee tsɔwitsɔwi kaa adodohi; nɛ jã kɛ̃ wa ngɛ ngɛ mɛ hu a hɛ mi.”

Mose IV, 13:33 ပူးပေါင်းရင်းမြစ်များ

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Mose I, 6:4

Jamɛ a be ɔ mi, benɛ Mawu binyumu ɔmɛ kɛ nimli a biyi ɔmɛ, ba na bɔmi, nɛ a kɛ mɛ bɔni fɔmi ɔ, oblaihi ngɛ je ɔ mi. Mɛ ji blema katsɛmɛ, kɛ nimli nɛ a he biɛ.

Samuel I, 17:42

Benɛ e hyɛ David nɛ e na kaa niheyo tsutsuutsu papaapa nɛ he ngɛ fɛu kɛkɛ ji lɛ ɔ, e bui lɛ fɛɛ.

Mose V, 9:2

Oblaihi gojogojoo nɛ nyɛ nu nɛ a de ke nɔ ko nɔ ko nyɛ we mɛ ɔ ngɛ lejɛ ɔ.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Kronika I, 11:23

Benaya nɛ ɔ nɔuu gbe Egipt no oblai ko. Egipt no ɔ hɛɛ akplɔ nɛ ngɛ kaa bo lolɔ gba tso ngɛ e dɛ mi, se Benaya ho nɛ e ya na lɛ kɛ e dɛma tso kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e we akplɔ ɔ kɛ gbe lɛ.

Mose V, 2:10

Oblai komɛ nɛ a tsɛɛ mɛ Emim bi hu hi Ar sa a; nɛ e mi nihi hiɛ. Oblai nɛ ɔmɛ ka kaa Anak bi ɔmɛ.

Mose IV, 13:22

A nyɛɛ kɛ gu leneyi je hluu kɛ ya si Hebron. Lejɛ ɔ ji Ahiman, Sheshai, kɛ Talmai nɛ ji Anak bi ɔmɛ a hi he. (A po Hebron ma a jeha kpaago loko a po Zoan ngɛ Egipt).

Mose IV, 13:28

Se mohu, nimli nɛ ngɛ zugba a nɔ ɔ kɛkɛ lɛ a he wa. A ma amɛ hu kle agboagbo nitsɛ, nɛ a fia gbogbo ngɔ wo a he. Enɛ ɔmɛ a se ɔ, nɔ́ nɛ wo wa he gbeye pe kulaa ji oblai komɛ nɛ wa na ngɛ lejɛ ɔ.

Mose IV, 14:1

Jamɛ a nyɔ ɔ mi ɔ, ma a tsuo wo yana, nɛ a kɛ aywilɛho kpa huhui.

Yoshua 11:21

Jamɛ a be ɔ mi ɔ, Yoshua ya kpata oblaihi a nina komɛ a hɛ mi. A tsɛɛ mɛ ke Anak bi. Nimli nɛ ɔmɛ hii Hebron, Debir, Anab, Yuda, kɛ Israel yo ɔmɛ tsuo a nɔ. Yoshua kpata ni ɔmɛ kɛ a ma amɛ tsuo a hɛ mi pɛsɛpɛsɛ.

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”

Yoshua 15:14

Kaleb fie Anak binyumu etɛ ɔmɛ kɛ je ma a mi. Mɛ ji Sheshai, Ahiman, kɛ Talmai.

Samuel I, 17:24

Benɛ Israel bi ɔmɛ na nyumu ɔ, sawale nu mɛ, nɛ mɛ tsuo pɛpɛɛpɛ a tu fo.