Mose IV, 13:32 - BAIBLO ALOO NGMAMI KLƆUKLƆU Ɔ

³² Lɔ ɔ he ɔ, a gba Israel bi ɔmɛ zugba a nɛ a ya slaa a he sane yaya, nɛ a de ke, “Zugba a nɛ wa ya slaa a, e ji zugba nɛ ngɛ lɛ nitsɛ e nɔ bi a yi tanee, ejakaa zugba a hí. Jehanɛ, nimli nɛ wa ya na ngɛ zugba a nɔ ɔ hu, nyumu oblaihi sɔuu ji mɛ.

Mose IV, 13:32 ပူးပေါင်းရင်းမြစ်များ

Samuel II, 21:20

Jehanɛ, a hwu ta ekohu ngɛ Gat, he nɛ nyumu oblai kpanaa ko ngɛ ɔ. E ngɛ nine nguɛ ekpa kɛ nane nguɛ ekpa; nɛ lɛ tsuo peeɔ nyingmi enyɔ kɛ eywiɛ.

Kronika I, 20:6

Jehanɛ, a hwu ta ekohu ngɛ Gat, he nɛ nyumu oblai ko ngɛ ɔ. Nyumu nɛ ɔ, nine nguɛ ekpatsɛ kɛ nane nguɛ ekpatsɛ ji lɛ. Blema oblai ɔmɛ a nina ji lɛ.

La 106:24

Wa nɛmɛ ɔmɛ tu we zugba saminyayoo ɔ he munyu kpakpa, ejakaa si nɛ Mawu wo mɛ ɔ, a he we yi.

Ezekiel 36:12

Ye ma Israel, ma kpale nyɛ kɛ ba zugba a nɔ, nɛ nyɛ ma ba hi lejɛ ɔ ekohu. Zugba a maa pee nyɛ nitsɛmɛ nyɛ nɔ́, nɛ nyɛ bimɛ hu i be hae nɛ a ma gbo gblegbleegble.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose IV, 13:28

Se mohu, nimli nɛ ngɛ zugba a nɔ ɔ kɛkɛ lɛ a he wa. A ma amɛ hu kle agboagbo nitsɛ, nɛ a fia gbogbo ngɔ wo a he. Enɛ ɔmɛ a se ɔ, nɔ́ nɛ wo wa he gbeye pe kulaa ji oblai komɛ nɛ wa na ngɛ lejɛ ɔ.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’