Mose IV, 13:29 - BAIBLO ALOO NGMAMI KLƆUKLƆU Ɔ

²⁹ Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Mose IV, 13:29 ပူးပေါင်းရင်းမြစ်များ

Mose I, 14:7

A kpale a se kɛ ba Kadesh nɛ sa a a tsɛɛ Enmishpat ɔ. A ye Amalek zugba a tsuo nɔ, nɛ a gbe Amor bi ɔmɛ nɛ ngɛ Hazazon Tamar a.

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

La 83:7

Gebal bi, Amon bi, Amalek bi, Filistia bi, kɛ Tiro bi.

Mose II, 3:17

nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Mose IV, 13:17

Benɛ Mose tsɔ mɛ ke a ya slaa Kanaan zugba a, e de mɛ ke, “Nyɛɛ gu omleyi je kɛ ya kuɔ yoku ɔmɛ.

Mose IV, 13:30

Kɛkɛ nɛ Kaleb kuɛ wo ma a ngɛ Mose hɛ mi, nɛ e de mɛ ke, “Nyɛ ha waa ya esɔesɔ nɛ wa ya ngɔ zugba a; ejakaa wa ma nyɛ ngɔ faa.”

Mose IV, 14:25

Se amlɔ nɛ ɔ, akɛnɛ Amalek bi ɔmɛ, kɛ Kanaan bi ɔmɛ ngɛ kɔ̃ ɔmɛ a mi he je ɔ, hwɔɔ ɔ, nyɛɛ kpale nyɛ se kɛ ya gu blɔ nɛ ngɛ Wo Tsu ɔ he ɔ kɛ ya nga a nɔ.”

Mose IV, 14:43

Ke nyɛɛ kɛ Amalek bi ɔmɛ, kɛ Kanaan bi ɔmɛ ya bua a, nyɛ maa nɔ ngɛ klaate nya. Yawɛ be nyɛ he piɛe, ejakaa nyɛ kua lɛ.”

Mose IV, 14:45

Kɛkɛ nɛ Amalek bi, kɛ Kanaan bi nɛ ngɛ jamɛ a yoku ɔ nɔ ɔ ba tua mɛ, nɛ a ye a nɔ; nɛ a fie mɛ kɛ ya si Horma tɔɔ.

Mose IV, 24:20

Kɛkɛ nɛ Balaam na Amalek bi ɔmɛ ngɛ nina mi, nɛ gba gbi nɛ ɔ ba e nya, nɛ e de ke, “Sa a, Amalek ji ma nɛ a he wa pe je ma amɛ tsuo. Se nyagbenyagbe ɔ, a ma kpata a hɛ mi.”

Mose V, 20:17

Mo kpata ni ɔmɛ tsuo a hɛ mi pɛsɛpɛsɛ kaa bɔ nɛ Yawɛ, o Mawu ɔ fa mo ke o pee ɔ; mɛ ji Hit bi, Amor bi, Kanaan bi, Periz bi, Hiv bi, kɛ Yebus bi.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Yoshua 10:5

Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Yoshua 10:6

Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Manyadali 3:5

Lɔ ɔ he ɔ, Israel bi ɔmɛ hi Kanaan, Hit, Amor, Periz, Hiv, kɛ Yebus bi ɔmɛ a kpɛti.

Manyadali 6:3

Be tsuaa be nɛ Israel bi ɔmɛ ma du ní ɔ, Midian, kɛ Amalek bi, kɛ ma amɛ nɛ ngɛ beleku je ɔ ma ba tua mɛ.

Samuel I, 14:48

E pee ka saminya, nɛ e ye Amalek bi ɔmɛ po a nɔ, nɛ e kpɔ Israel kɛ je nihi nɛ ye a nɔ ɔ tsuo a dɛ mi.

Samuel I, 27:8

Ke pee ɔ, David kɛ e we bi ɔmɛ maa hia ya tua nihi nɛ ngɛ Geshur, Girzi, kɛ Amalek. Nimli nɛ ɔmɛ ji zugbatsɛmɛ ɔmɛ nɛ hi zugba a nɔ kɛ je Shur kɛ ya si Egipt kɛ je teteete.

Samuel I, 30:1

Ligbi nɛ ji etɛ ɔ, be nɛ David kɛ e we bi ɔmɛ ke a suu Ziklag ɔ, Amalek bi ɔmɛ ba ha ní ngɛ Yuda leneyi je, nɛ a tua Ziklag. A kɛ la sã Ziklag,

Samuel I, 7:14

Jehanɛ, ma amɛ nɛ Filisti bi ɔmɛ kpɔ ngɛ Israel dɛ kɛ je Ekron kɛ ya si Gat kɛ a he zugba amɛ ɔ, a kpale mɛ tsuo ngɔ ha Israel ekohu. Nɛ tue mi jɔmi ba Israel bi ɔmɛ, kɛ Amor bi ɔmɛ a kpɛti.