Mose IV, 13:28 - BAIBLO ALOO NGMAMI KLƆUKLƆU Ɔ

²⁸ Se mohu, nimli nɛ ngɛ zugba a nɔ ɔ kɛkɛ lɛ a he wa. A ma amɛ hu kle agboagbo nitsɛ, nɛ a fia gbogbo ngɔ wo a he. Enɛ ɔmɛ a se ɔ, nɔ́ nɛ wo wa he gbeye pe kulaa ji oblai komɛ nɛ wa na ngɛ lejɛ ɔ.

Mose IV, 13:28 ပူးပေါင်းရင်းမြစ်များ

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Yoshua 11:22

Anak bi ɔmɛ a ti nɔ kake po píɛ ngɛ Israel bi ɔmɛ a zugba a nɔ; ja Gaza, Gat, kɛ Ashdod pɛ nɛ ni komɛ ngɛ.

Mose IV, 13:33

Benɛ wa na oblai agboagbo ɔmɛ, nɛ ji Anak bi ɔmɛ, nɛ wa ngɔ wa he ngɔ to a he ɔ, wa pee tsɔwitsɔwi kaa adodohi; nɛ jã kɛ̃ wa ngɛ ngɛ mɛ hu a hɛ mi.”

Yoshua 15:14

Kaleb fie Anak binyumu etɛ ɔmɛ kɛ je ma a mi. Mɛ ji Sheshai, Ahiman, kɛ Talmai.

Mose V, 3:5

Ma nɛ ɔmɛ tsuo ji mahi nɛ a fia gbogbo gojogojoo ngɔ wo a he, kɛ a nya agbohi kɛ a se lami dade níhi. E slo kɔpehi babauu nɛ a fiɛ gbogbo ngɔ wui a he.

Mose V, 2:21

Ma nɛ ɔ kle, nɛ e he wa; e mi ni ɔmɛ ka gagaaga kaa Anak bi. A hiɛ babauu, se Yawɛ kpata a hɛ mi. Amon bi ɔmɛ ya ngɔ a zugba a, nɛ a hi lejɛ ɔ.

Manyadali 1:20

A kɛ Hebron ha Kaleb kaa bɔ nɛ Mose fa mɛ ɔ; nɛ e fie Anak binyumu etɛ ɔmɛ kɛ je lejɛ ɔ.

Samuel II, 21:16

Kɛkɛ nɛ oblai ko nɛ a tsɛɛ lɛ Ishbibenob ɔ susu kaa e nine gbe David ta. Ishbibenob hɛɛ akɔblee akplɔ ko nɛ e jiimi maa pee kilo etɛ kɛ fa, nɛ e fi klaate ehe hu ngɛ e mlɛ mi.

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”