Mose IV, 13:27 - BAIBLO ALOO NGMAMI KLƆUKLƆU Ɔ

²⁷ A de Mose ke, “Wa ya slaa zugba a nɛ o tsɔ wɔ e nɔ ɔ; niinɛ, wa na kaa e ji zugba kpakpa nɛ baa ní. Zugba a nɔ tso yiblii komɛ po ji nɛ ɔmɛ nɛ.

Mose IV, 13:27 ပူးပေါင်းရင်းမြစ်များ

Nehemia 9:25

A ngɔ ma nguahi nɛ a fia gbogbo ngɔ wo a he ɔ zugba nɛ baa ní, kɛ wehi nɛ hyi tɔ kɛ ní kpakpahi tsuo; a ngɔ nyu vuhi nɛ a tsua momo, oliv tsohi, tsohi nɛ woɔ yiblii, kɛ wai ngmɔhi. A ye ní ɔmɛ nyamanyama; a tɔ nɛ a plɔke. Ní kpakpa amɛ nɛ o ha mɛ ɔ, a nya he.

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Mose II, 3:17

nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Mose II, 33:3

nɛ bɔfo ɔ ma kpaka nyɛ kɛ ya zugba nɛ hi, nɛ baa ní saminya hulɔ ɔ nɔ. Imi nitsɛ lɛɛ i kɛ nyɛ be yae, bɔ nɛ pee nɛ ma ko ya kpata nyɛ hɛ mi ngɛ blɔ ɔ nɔ, ejakaa ma nɛ kuɛ wa ji nyɛ.”

Yeremia 11:5

Kɛkɛ ɔ, si ko nɛ i wo a nɛmɛ ɔmɛ kaa ma ha mɛ zugba kpakpa nɛ baa ní ɔ, ma ye nɔ. Jamɛ a zugba a nɔ a ngɛ amlɔ nɛ ɔ nɛ.” I he nɔ ke, “Yawɛ, ha nɛ e ba mi ja.”

Yeremia 32:22

O ha mɛ zugba kpakpa nɛ baa ní saminya nɛ ɔ kaa bɔ nɛ o wo a nɛmɛ ɔmɛ si ɔ.

Ezekiel 20:15

Jehanɛ hu, i ka mɛ kita ngɛ nga a nɔ ke zugba kpakpa nɛ baa ní saminya, nɛ e ngɛ fɛu pe kulaa nɛ i ngɔ ha mɛ ɔ, i kɛ mɛ be lejɛ ɔ yae hu,

Ezekiel 20:6

Jamɛ a ligbi ɔ, i ka mɛ kita ke ma je mɛ kɛ je Egipt zugba a nɔ, nɛ ma kpaka mɛ kɛ ya zugba ko nɛ i hla ha mɛ, zugba kpakpa nɛ baa ní saminya, nɛ e ngɛ fɛu pe kulaa nɔ.

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

Mose IV, 14:7

nɛ a de Israel ma mluku ɔ tsuo ke, “Zugba a nɛ wa ya kpa nɔ nɛ wa slaa lɛ ɔ, e ji zugba nɛ hi saminya.

Mose IV, 14:8

Ke Yawɛ ngɛ wa he tsui ɔ, e ma kpaka wɔ kɛ ya lejɛ ɔ; nɛ e maa ngɔ zugba nɛ hi, nɛ baa ní nɛ ɔ ngɔ ha wɔ.

Mose IV, 16:13

O kpaka wɔ kɛ je zugba nɛ hi, nɛ baa ní nɔ, nɛ́ o ba gbe wɔ ngɛ nga nɛ ɔ nɔ. Anɛ enɛ ɔ pi ha mo, nɛ o pa ngɛ hlae nɛ o ye ganɔ ngɛ wa nɔ?

Mose IV, 16:14

Jehanɛ ɔ hu, o kɛ wɔ yɛ zugba nɛ hi, nɛ baa ní ko nɔ; ngmɔhi, kɛ wai abɔɔhi hu o ha we wɔ. Anɛ e peeɔ mo kaa o ma nyɛ nimli kaa kikɛ nɛ ɔ maa sisi lo? Dɛbi, wa be bae!”

Mose V, 11:9

Ke nyɛ pee ja a, nyɛ se maa kɛ ngɛ zugba kpakpa nɛ baa ní saminya nɛ Yawɛ wo si ke e ma ngɔ ha nyɛ nɛmɛ ɔmɛ kɛ a nina a nɔ.

Mose V, 26:9

Jehanɛ, e kɛ wɔ ba su hiɛ ɔ, nɛ e ha wɔ zugba nɛ hi, nɛ baa ní saminya nɛ ɔ.

Mose V, 27:3

Ke nyɛ po pa a pɛ, nyɛɛ ngma mlaa nɛ ɔmɛ tsuo ngɛ tɛ ɔmɛ a nɔ. Zugba nɛ Yawɛ, nyɛ nɛmɛ a Mawu ɔ wo si ke e ma ngɔ ha nyɛ ngɛ pa a se ɔ, zugba a hi, nɛ e baa ní saminya.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.