Mose IV, 13:23 - BAIBLO ALOO NGMAMI KLƆUKLƆU Ɔ

²³ Benɛ a su Eskol kɔ̃ ɔ mi ɔ, a po wai tso kɔni kake kɛ e nɔ wai yiblii sau kake ngɛ lejɛ ɔ, nɛ a kpɛti ni enyɔ wo lɛ tso nɛ a kpla ngɛ a konɔ. A kɛ tso yiblii ko kaa akutu kɛ ngmɔkɔ hu ba.

Mose IV, 13:23 ပူးပေါင်းရင်းမြစ်များ

Mose IV, 32:9

A nyɛɛ hluu kɛ ya su Eskol kɔ̃ ɔ mi, nɛ a ya na zugba a. Se mohu a se kpalemi mi ɔ, a ba wo Israel bi ɔmɛ a kɔni mi nyu nɛ a ko ya zugba a nɛ Yawɛ ngɔ ha mɛ ɔ nɔ.

Mose IV, 13:24

Nɛ a wo lejɛ ɔ biɛ ke Eskol kɔ̃, ngɛ wai yiblii sau ɔ nɛ Israel bi ɔmɛ po ngɛ lejɛ ɔ he.

Manyadali 16:4

Enɛ ɔ se ɔ, Samson ya su yo ko ngɛ Sorek kɔ̃ ɔ mi. A tsɛɛ lɛ Delila.

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Mose V, 8:8

E ji zugba nɛ ngma, blɛfo, wai yiblii, ngmɔkɔ, tso nɛ yiblii ngɔɔ, oliv tso, kɛ hwo ngɛ nɔ.