Mose IV, 13:21 - BAIBLO ALOO NGMAMI KLƆUKLƆU Ɔ

²¹ Nyumu ɔmɛ pue nɔ kɛ ho, nɛ a ya slaa zugba a, kɛ je Zin nga a nɔ kɛ ya si Rehob, he nɛ a guu kɛ yaa Hamat ɔ.

Mose IV, 13:21 ပူးပေါင်းရင်းမြစ်များ

Mose IV, 33:36

A hia kɛ je Ezeon Geber, nɛ a ya to si ngɛ Zin nga a nɔ (nɛ ji Kadesh).

Mose IV, 20:1

Israel ma kpekpemi ɔ tsuo ba Zin nga a nɔ kekleekle nyɔhiɔ ɔ, nɛ a ba to si ngɛ Kadesh. Benɛ a ngɛ lejɛ ɔ, Miriam ba gbo, nɛ a pu lɛ.

Mose IV, 27:14

ejakaa nyɛ ni enyɔ ɔmɛ tsuo nyɛ tsɔ ye hɛ mi atuã ngɛ Zin nga a nɔ. Benɛ Israel ma a te si ngɔ wo mi ngɛ Meriba a, nyɛ je we ye he wami klɔuklɔu ɔ kpo kɛ tsɔɔ we mɛ kaa bɔ nɛ i fa nyɛ ɔ.” (Meriba ji taku ko ngɛ Kadesh ngɛ Zin nga a nɔ.)

Yoshua 15:1

Zugba nɛ a ha Yuda wɛtso ɔ we puɔ nya we puɔ nya a, bɔ nɛ e fɔ si ji nɛ ɔ nɛ. Zugba a leneyi je ngɛ Zin nga kplanaa a nyagbe tɔɔ, ngɛ Edom huzu ɔ nya.

Yoshua 13:5

kɛ Gebal bi ɔmɛ a zugba a, kɛ Lebanon tsuo ngɛ beleku je, kɛ je Baalgad ngɛ Hermon yo ɔ sisi kɛ ya su Hamat yo kpɛ blɔ ɔ.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Samuel II, 8:9

Benɛ Hamat matsɛ, Toi nu kaa David ye Hadadezer tabo ɔ tsuo nɔ ɔ,

Mose V, 32:51

ejakaa nyɛ ni enyɔ ɔmɛ tsuo nyɛ bui mi tue; nyɛ pue ye hɛ mi si ngɛ Israel bi ɔmɛ a hɛ mi. Nyɛ pue ye hɛ mi si ngɛ Meriba pa a nya, ngɛ Kadesh ma a kasa nya, ngɛ Zin nga kplanaa a nɔ. Nyɛ bui mi kaa nɔ klɔuklɔu ngɛ Israel ma a hɛ mi.

Mose V, 1:24

I wo mɛ blɔ, nɛ a gu yo nɔ je kɛ ya su Eshkol kɔ̃ ɔ mi tɔɔ; nɛ a slaa lejɛ ɔ.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Yeremia 52:9

A ngɔ Zedekia ya ha Matsɛ Nebukadnezar ngɛ Ribla, ngɛ Hamat zugba a nɔ; nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Ezekiel 47:16

kɛ ya na Berota kɛ Sibraim ma amɛ nɛ ngɛ Damasko kɛ Hamat huzu ɔmɛ a kpɛti ɔ, kɛ ya na Tikon nɛ ngɛ Hauran huzu ɔ nya a.

Mose IV, 34:8

Nyɛ ma tsa nɔ kɛ je Hor yo ɔ he, kɛ ya be ngɛ Hamat kasa nya, kɛ ya si Zedad.