Mose IV, 13:2 - BAIBLO ALOO NGMAMI KLƆUKLƆU Ɔ

² “Moo hla nyumu nɔkɔtɔma kake kɛ je wɛtso tsuaa wɛtso mi, nɛ o tsɔ mɛ nɛ a ya slaa Kanaan zugba a nɛ i ngɔ kɛ ngɛ Israel bi ɔmɛ hae ɔ.”

Mose IV, 13:2 ပူးပေါင်းရင်းမြစ်များ

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Mose IV, 1:4

Wɛtso tsuaa wɛtso nɛ hla nɔ kake kɛ ba piɛ nyɛ he.”

Mose IV, 11:16

Yawɛ de Mose ke, “Yaa nɛ o ya hla nikɔtɔmahi nɛ bu ngɛ a he nyingmi kpaago kɛ je Israel bi ɔmɛ a kpɛti. A pee nikɔtɔmahi nɛ mo nitsɛ o le kaa a hɛɛ blɔ nya ngɛ ma a mi. Ngɔɔ mɛ kɛ ba ye ngɔ ngɛ kpe he bo tsu ɔ mi, nɛ a ba da si ngɛ o kasa nya ngɛ lejɛ ɔ.

Mose IV, 13:16

Nyumuhi nɛ Mose tsɔ ke a ya slaa zugba a, a biɛhi ji nɛ ɔmɛ nɛ. Se Nun bi Hoshea lɛɛ Mose tsake e biɛ kɛ pee Yoshua.

Mose IV, 13:3

Mose tsɔ Israel ma nimeli ɔmɛ kɛ je Paran nga a nɔ kaa bɔ nɛ Yawɛ fa lɛ ɔ. A biɛhi, kɛ wɛtsohi nɛ a je mi ɔ ji nɛ ɔmɛ nɛ: WƐTSO WƐTSO NƆKƆTƆMA Ruben Shamua, Zakur bi ɔ Simeon Shafat, Hori bi ɔ Yuda Kaleb, Yefune bi ɔ Isakar Igal, Yosef bi ɔ Efraim Hoshea, Nun bi ɔ Benyamin Palti, Rafu bi ɔ Zebulun Gadiel, Sodi bi ɔ Manase Gadi, Susi bi ɔ Dan Amiel, Gemali bi ɔ Asher Setur, Mikael bi ɔ Naftali Nabi, Vofsi bi ɔ Gad Geuel, Maki bi ɔ.

Mose IV, 32:8

Kikɛ nɛ ɔ nyɛ nɛmɛ ɔmɛ pee, benɛ i tsɔ mɛ kɛ je Kadesh Barnea nɛ a ya slaa zugba a nɛ.

Mose IV, 34:18

Moo hla nikɔtɔmahi kakaaka kɛ je wɛtso tsuaa wɛtso mi ngɔ piɛ a he nɛ a kɛ dla zugba a.”

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Mose V, 9:23

Jehanɛ, benɛ e wo nyɛ blɔ kɛ je Kadesh Barnea, nɛ e fa nyɛ ke nyɛ ya ngɔ zugba nɛ e kɛ ngɛ nyɛ hae kaa nyɛ weto ní ɔ, jamɛ a be ɔ mi po, nyɛ tsɔ Yawɛ, nyɛ Mawu ɔ hɛ mi atuã: nyɛ he we lɛ yi, nɛ nyɛ bui lɛ tue.

Yoshua 3:12

Lɔ ɔ he ɔ, nyɛɛ hla nyumuhi nyɔngma kɛ enyɔ kɛ je Israel wɛtso ɔmɛ a mi: wɛtso kake, nyumu kake.