Mose IV, 13:17 - BAIBLO ALOO NGMAMI KLƆUKLƆU Ɔ

¹⁷ Benɛ Mose tsɔ mɛ ke a ya slaa Kanaan zugba a, e de mɛ ke, “Nyɛɛ gu omleyi je kɛ ya kuɔ yoku ɔmɛ.

Mose IV, 13:17 ပူးပေါင်းရင်းမြစ်များ

Manyadali 1:9

Lɔ ɔ se ɔ, a ya tua Kanaan bi nɛ ngɛ yoku ɔmɛ a nɔ ngɛ leneyi je ɔ, kɛ ni nɛmɛ nɛ ngɛ nga nɔ zugba a nɔ ɔ.

Mose I, 12:9

Pee se ɔ, Abram je lejɛ ɔ, nɛ e tsa e blɔ hiami ɔ nɔ kɛ gu Kanaan leneyi blɔ. Ke e nyɛɛ bɔɔ e to si bɔɔ.

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Manyadali 1:15

Aksa he nɔ ke, “Moo ke mi nɔ́ ko. O ha mi zugba ngɛ leneyi je he nɛ nyu be momo, lɔ ɔ he ɔ, i kpa mo pɛɛ nɛ o ha mi he ko nɛ nyu ngɛ kɛ piɛ he!” Nɛ Kaleb ha lɛ hehi nɛ nyu ngɛ, ngɛ yo nɔ kɛ kɔ̃ mi.

Yoshua 15:3

nɛ e tsa nɔ ja kɛ kuɔ Akrabim yo kpɛ blɔ ɔ, kɛ ya su Zin. E kuɔ kɛ ya je Kadesh Barnea leneyi je, kɛ ya gu Hezron kasa nya, kɛ ya su Adar, nɛ e lɔgɔ kɛ ya gu Karka.

Mose I, 13:1

Abram kɛ e yo kɛ Lot hia kɛ gu Egipt omleyi je kɛ a nɔ́ tsuaa nɔ́, nɛ a ba pa si ngɛ Kanaan leneyi je.

Mose V, 1:44

Kɛkɛ nɛ Amor bi ɔmɛ nɛ ngɛ Edom yo ɔmɛ a nɔ ɔ je kpo kɛ ba kaa hwo bihi, nɛ a kɛ nyɛ ba kpe. A fie nyɛ hluu kɛ ya su Horma, nɛ a ye nyɛ nɔ ngɛ lejɛ ɔ, ngɛ Edom yo zugba a nɔ.

Mose IV, 14:40

A te si mɔtu kpla, nɛ a kuɔ yoku ɔ kɛ ho e yi mi ya tɔɔ, nɛ a de ke “Jehanɛ wa dla wa he; wa maa ya he nɛ Yawɛ wo wɔ si ɔ. Kpaako wa na kaa wa pee yayami.”

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.

Mose I, 13:3

Pee se ɔ, e pue nɔ kɛ ho Betel ya. Ke e nyɛɛ bɔɔ, e to si bɔɔ. Kikɛ nɛ ɔ e pee hluu kɛ ya su Betel kɛ Ai a kpɛti he nɛ e to si ngɛ kekle ɔ

Mose I, 13:17

Yaa nɛ o ya kpa zugba a tsuo nɔ, ejakaa ma ngɔ kɛ wo o dɛ mi.”

Mose IV, 13:18

Nyɛɛ hyɛ bɔ nɛ zugba a ngɛ ha, kɛ nimli nɛ ngɛ zugba a nɔ ɔ, kaa nimli ɔmɛ a he wa, loo a he wɛ, kaa a hiɛ, loo a he pi.

Yoshua 2:1

Nun bi Yoshua tsɔ slaali enyɔ kɛ je Shitim nigii; nɛ e fa mɛ ke, “Nyɛ ya slaa Kanaan zugba a saminya, titli ɔ Yeriko.” Benɛ slaali ɔmɛ ya su ma a mi ɔ, a ya to yo ajuama ko nɛ a tsɛɛ lɛ Rahab ɔ we mi.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.