Mose IV, 12:8 - BAIBLO ALOO NGMAMI KLƆUKLƆU Ɔ

⁸ Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Mose IV, 12:8 ပူးပေါင်းရင်းမြစ်များ

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

La 49:4

Ma bu tue nɛ ma nu abɛ ko, nɛ ma fia kpa saku kɛ tsɔɔ nya.

Mose II, 19:19

Benɛ bɛ pɛmi ɔ nya wa a, Mose tu munyu, nɛ Mawu ha lɛ heto kɛ hiɔwe simi.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose II, 33:11

Yawɛ kɛ Mose maa tu munyu hɛ mi kɛ hɛ mi kaa bɔ nɛ nɔ kɛ e huɛ tuɔ munyu ɔ. Ke Mose kpale e se kɛ ba ma a sito he ɔ, e tsɔlɔ niheyo wayoo nɛ ji Nun binyumu Yoshua lɛɛ e ji kpe he bo tsu ɔ mi.

Mose II, 33:19

Yawɛ de Mose ke, “Ma ha ye hɛ mi nyami ɔ tsuo maa be ngɛ o hɛ mi, nɛ ye biɛ nɛ ji Yawɛ ɔ hu ma wo nɔ ta ngɛ o hɛ mi. Nihi nɛ sa dloomi ɔ, ma dloo mɛ; nɛ ni nɛmɛ nɛ sa mɔbɔ nami ɔ, ma na mɛ mɔbɔ.”

Mose II, 33:23

Lɔ ɔ se ɔ, ma je ye nine ngɛ o nɔ, nɛ o maa na ye kuɛ se, se pi ye hɛ mi.”

Mose II, 34:30

Aaron kɛ Israel bi ɔmɛ tsuo na kaa Mose hɛ mi ngɛ kpɛe, nɛ a ye gbeye kaa a maa su e he.

Abɛ Womi 1:6

konɛ a nyɛ nɛ a nu abɛhi, kɛ ní leli a munyuhi nɛ a mi kuɔ ɔ a sisi saminya.

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

Yesaya 46:5

“Yawɛ ngɛ bie ke, ‘Mɛnɔ he nyɛ maa ngɔ mi kɛ to? Nɔ ko ngɛ nɛ kɛ mi sɔ lo?’

Ezekiel 17:2

“Nɔmlɔ adesa, buu abɛ kɛ tsɔɔ Israel ma a,

Ezekiel 20:49

Kɛkɛ nɛ i kpa pɛɛ ke, “Nyɔmtsɛ Yawɛ, ko ha nɛ ma tsu nɔ́ nɛ ɔ. Nɔ tsuaa nɔ ngɛ dee ngɛ ye he momo ke, nɔ nɛ ɔ lɛɛ pi abɛ kɛkɛ nɛ e buɔ.”

Hosea 12:13

Yawɛ ha nɛ gbalɔ ko ya je e ma Israel kɛ je Egipt. Gbalɔ nɛ ɔ tsɔɔ mɛ blɔ, nɛ e hyɛ a nɔ.

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Mose IV, 7:89

Benɛ Mose ya sɛ kpe he bo tsu ɔ mi, konɛ e kɛ Yawɛ nɛ ya tu munyu ɔ, e nu Yawɛ gbi nɛ e kɛ lɛ ngɛ munyu tue kɛ je somi daka a nya nɔ́ ɔ yi mi, ngɛ kerub enyɔ ɔmɛ a kpɛti.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Mose V, 4:15

“Benɛ Yawɛ kɛ nyɛ tu munyu kɛ je la a mi ngɛ Sinai yo ɔ nɔ ɔ, nyɛ nɛ́ su ko su ko. Lɔ ɔ he ɔ, nyɛɛ hyɛ nyɛ he nɔ saminya,

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Yuda 1:8

Jã nɔuu lakpa tsɔɔli nɛ ɔmɛ hu bleɔ he lo ɔ; a teɔ si kɛ siɔ Mawu nɔ yemi ɔ, nɛ a jɛɔ ni klɔuklɔuhi nɛ ngɛ hiɔwe ɔ po.