Mose IV, 12:6 - BAIBLO ALOO NGMAMI KLƆUKLƆU Ɔ

⁶ Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Mose IV, 12:6 ပူးပေါင်းရင်းမြစ်များ

Matsɛmɛ I, 3:5

Jamɛ a nyɔ ɔ mi ɔ, Yawɛ je e he kpo ngɔ tsɔɔ Salomo ngɛ nlami mi, nɛ e bi lɛ ke, “Mɛni o suɔ nɛ ma ha mo?”

Mose I, 46:2

Nyɔ mi ɔ, Mawu kɛ lɛ tu munyu ngɛ nina mi. Mawu tsɛ lɛ ke, “Yakob, Yakob!” Yakob he nɔ ke, “I ngɛ hiɛ ɔ.”

Luka 1:22

Benɛ e je kpo ɔ, e nyɛ we nɛ e kɛ mɛ nɛ tu munyu; lɔ ɔ he ɔ, a kɔ se kaa Mawu ya je e he kpo ngɔ tsɔɔ lɛ ngɛ sɔlemi we ɔ. Akɛnɛ e nyɛ we nɛ e tu munyu he je ɔ, e kɛ e nine pee okadi kɛ tsɔɔ mɛ.

Luka 1:11

Tlukaa a, Nyɔmtsɛ ɔ bɔfo ko ba da si ngɛ tsopa kɛ e he via bɔ sami la tɛ ɔ hiɔ nɔ, nɛ e je e he kpo ngɔ tsɔɔ Zakaria.

Daniel 10:8

nɛ e piɛ imi nɔ kake too. Benɛ i na nyakpɛ nina nɛ ɔ, ye he wami ta, nɛ i gbɔjɔ. Ye hɛ mi tsake amlɔ bɔ nɛ nɔ ko be ye mi tso lee.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Ni Tsumi 10:11

E na nɛ hiɔwe nya bli, nɛ nɔ́ ko kaa bo nguaa ko je lejɛ ɔ kɛ ma zugba kaa nɔ nɛ pe a hɛɛ e kɔ nya eywiɛ ɔmɛ a mi.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Daniel 8:2

I na nɛ i ya je ma a nɛ a fia gbogbo ngɔ wo he nɛ a tsɛɛ lɛ Susa a tlukaa. Ma nɛ ɔ ngɛ Elam kpokpa a nɔ. I daa si ngɛ Ulai pa a nya.

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Daniel 7:1

Babilon matsɛ, Belshazar yi nɔ, kekleekle jeha a mi ɔ, i nla, nɛ i na nina ko nyɔ mi. I ngma nlami ɔ ngɔ wo womi mi. Nina nɛ i na jamɛ a nyɔ ɔ mi ɔ ji nɛ ɔ nɛ.

Yeremia 23:28

Ke gbalɔ ko nla a, e sɛɛ e nlami ɔ. Se ke nɔ ko ná sɛ gbi kɛ je ye ngɔ ɔ, e fiɛ ngɛ anɔkuale mi. Jakati kɛ ngma a, mɛni bɔmi lɛ ngɛ a kpɛti?

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Hiob 33:15

Nyɔ mi benɛ nimli adesahi hwɔ mahe vii ngɛ sa nɔ ɔ, Mawu kɛ mɛ tuɔ munyu kɛ guu nlamihi, kɛ ninahi a mi.

Hiob 4:13

Munyu nɛ ɔ he susumi ha nɛ dekla nu mi, nɛ i hwɔ we mahe nyɔ ɔ mi tsuo.

Mose II, 7:1

Yawɛ de Mose ke, “O nɛ, i pee mo kaa Mawu ha Farao ɔ, nɛ o nyɛmi Aaron maa pee o gbalɔ.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Ni Tsumi 10:17

Benɛ Petro dɛ yaa, nɛ e ngɛ nɔ́ nɛ ɔ he susue ɔ, jamɛ a be ɔ mi ɔ, ni ɔmɛ nɛ Kornelio tsɔ ɔ ya bi si, nɛ a ba we mi he nɛ Simon ngɛ ɔ; nɛ a daa si ngɛ agbo ɔ nya.

Luka 20:6

Nɛ ke wa de ke, ‘Nɔmlɔ adesa nɛ ha lɛ’ ɔ, ni ɔmɛ nɛ ngɛ hiɛ ɔ tsuo maa fia wɔ tɛ; ejakaa a heɔ yeɔ kaa Yohane ɔ, gbalɔ ji lɛ.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mateo 23:34

Lɔ ɔ he ɔ, ma tsɔ gbali, kɛ ní leli, kɛ tsɔɔli kɛ ba nyɛ ngɔ. Nyɛ maa gbe a ti ni komɛ, nɛ nyɛ maa sɛu ni komɛ; ni komɛ lɛɛ nyɛ maa fia mɛ kpa ngɛ nyɛ kpe he ɔmɛ, nɛ nyɛ maa wa mɛ yi mi, nɛ nyɛ maa fie mɛ kɛ je ma kake mi kɛ ya ma kake mi.

Mateo 23:31

Enɛ ɔ tsɔɔ kaa nyɛ nitsɛmɛ nyɛ ngɛ odase yee kaa nihi nɛ gbe gbali ɔmɛ a nina ji nyɛ.

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

Mose I, 28:12

E nla nɛ gba he tso ko maa si ngɛ zugba nɛ e yi mi ya pi hiɔwe, nɛ Mawu bɔfohi ngɛ gba he tso ɔ kuɔe nɛ a ngɛ kplee.

Mose IV, 24:4

Nɔ nɛ nuɔ Mawu gbi, Nɔ nɛ Mawu Ope ɔ jeɔ ninahi kɛ tsɔɔ lɛ, Nɔ nɛ ke e hɛli po ɔ, e hɛngmɛhi fɔɔ si paa.

Samuel I, 3:15

Samuel ho ya hwɔ si kɛ ya si mɔtu; nɛ e te si nɛ e bli Yawɛ we ɔ sinya amɛ. Samuel ye gbeye kaa e ma de Eli nɔ́ nɛ Yawɛ de lɛ ɔ.

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Matsɛmɛ I, 3:15

Salomo hɛ tsɛ, nɛ e na kaa nlami lɛ e nla. E ya Yerusalem, nɛ e ya da si ngɛ Yawɛ somi daka a hɛ mi, nɛ e sã sami bɔhi, kɛ tue mi jɔmi bɔhi. Lɔ ɔ se ɔ, e ngmɛ e tsɔli ɔmɛ tsuo okplɔɔ.

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Mose I, 28:16

Kɛkɛ nɛ Yakob hɛ tsɛ̃, nɛ e de ke, “Akuanyɛ! Mamoo Yawɛ ngɛ hiɛ ɔ, nɛ i li!”

Mose I, 37:5

Ligbi ko ɔ, Yosef nla nlami ko; nɛ benɛ e bɔ e nyɛmimɛ ɔmɛ nlami ɔ, a nyɛ lɛ pe sa a.

Mose I, 37:9

Pee se ɔ, Yosef nla nlami kpa, nɛ e bɔ e nyɛmimɛ ɔmɛ ke, “I pa nla nlami kpa. I nla nɛ pu kɛ hlami kɛ dodoe nyɔngma kɛ kake ba kpla si ngɛ ye hɛ mi.”

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Samuel I, 3:21

Yawɛ ya nɔ nɛ e je e he kpo ngɛ Shilo, he nɛ e kɛ Samuel tu munyu ngɛ ɔ. Nɛ ke Samuel tu munyu ɔ, Israel tsuo buɔ lɛ tue.

Samuel II, 7:4

Se jamɛ a nyɔ ɔ mi ɔ, Yawɛ de Natan ke,

Hosea 12:11

Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Yoel 3:1

Yawɛ ke, “Jamɛ a be ɔ mi ɔ, ma ha Yuda ma a kɛ Yerusalem bi ɔmɛ ma na ní kpɔtɔɔ ekohu.

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.