Mose IV, 12:2 - BAIBLO ALOO NGMAMI KLƆUKLƆU Ɔ

² A bi ke, “Anɛ Mose nɔ kake too nɔ Yawɛ gu kɛ tu munyu lo? Anɛ wɔɔ lɛɛ e gui wa nɔ kɛ tu we munyu lo?” Yawɛ nu nɔ́ nɛ a de ɔ.

Mose IV, 12:2 ပူးပေါင်းရင်းမြစ်များ

Mose I, 29:33

Lea ba na mi ekohu, nɛ e fɔ binyumu. E wo lɛ biɛ ke Simeon, nɛ e de ke, “Yawɛ nu kaa a sume mi, lɔ ɔ he ɔ, e ha mi binyumu nɛ ɔ hulɔ.”

Samuel II, 11:27

Benɛ e nyɛ ya ha lɛ gbe nya a, David tsɔ ya ngɔ lɛ kɛ ba e we ɔ mi, nɛ e ba pee e yo; nɛ e fɔ binyumu ha lɛ. Se nɔ́ nɛ David pee nɛ ɔ ngɔɛ Yawɛ nya.

Matsɛmɛ II, 19:4

Asiria matsɛ ɔ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu jɛmi munyu ɔmɛ, nɛ e maa gbla nihi nɛ tu munyu ɔmɛ a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Mose II, 4:14

Jehanɛ lɛɛ Yawɛ mi mi fu Mose, nɛ e de lɛ ke, “Anɛ o susu kaa i li kaa o nyɛmi Aaron, Levi no ɔ nya mi tsɔ lo? Hyɛ, e ngɛ blɔ nɔ kɛ ma nɛ e kɛ mo ba kpe, nɛ ke e na mo ɔ, e bua maa jɔ e he saminya.

Mose II, 4:30

Nɛ Aaron bɔ mɛ níhi tsuo nɛ Yawɛ de Mose ɔ, nɛ Mose pee okadi ɔmɛ kɛ tsɔɔ ma nimeli ɔmɛ.

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mose II, 7:10

Kɛkɛ nɛ Mose kɛ Aaron je kɛ ho Farao ɔ ngɔ ya, nɛ a ya pee kaa bɔ nɛ Yawɛ fa mɛ ɔ. Aaron sake e tso ɔ ngɔ fɔ zugba ngɛ Farao ɔ kɛ e tsɔli ɔmɛ a hɛ mi; nɛ e plɛ pee sinɔ.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Filipibi 2:14

Nɔ́ tsuaa nɔ́ nɛ nyɛ ngɛ pee ɔ, nyɛ ko wo nyɛ mi mi la, nɛ nyɛ ko sã nya ngɛ he.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”