Mose IV, 12:13 - BAIBLO ALOO NGMAMI KLƆUKLƆU Ɔ

¹³ Mose kpa ngmlaa kɛ tsɛ Yawɛ, nɛ e de ke, “Mawu lee, i kpa mo pɛɛ nɛ o tsa lɛ!”

Mose IV, 12:13 ပူးပေါင်းရင်းမြစ်များ

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

Luka 6:28

nyɛɛ gbaa nihi nɛ gbiɛɛ nyɛ, nɛ nyɛɛ sɔle ha ni nɛmɛ nɛ waa nyɛ yi mi.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Yeremia 17:14

Yawɛ, tsa mi, nɛ ye he mi nɛ wa mi kɛ pi si. He mi, konɛ ye yi nɛ na wami, ejakaa mo pɛ o yi i jeɔ.

Yesaya 30:26

Nyɔhiɔ ma kpɛ kaa pu, nɛ pu la a nya maa wa wawɛɛ kaa bɔ nɛ e nya waa daa a totoe si kpaago; e maa pee kaa ligbi kpaago pu tsotsoe tsuo nɛ a bua nya ngɔ ha ligbi kake. Plaami nɛ Yawɛ plaa e ma a, e maa fi pa amɛ a nɔ ha mɛ, nɛ pa amɛ ma gbo. Ní nɛ ɔmɛ tsuo maa ba mi jamɛ a be ɔ mi.

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Mose IV, 14:2

Israel ma mluku ɔ tsuo hɔɔ nya si ngɔ wo Mose kɛ Aaron a he, nɛ a de ke, “Wa ná nɛ jinɛ wa gbo ngɛ Egipt zugba a nɔ, loo ngɛ nga nɛ ɔ nɔ po!

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.

Mose II, 4:7

Yawɛ de lɛ ke, “Ngɔɔ o nine ɔ kɛ hɔ o tade ɔ mi ngɛ o tsui nya ekohu.” Nɛ e pee jã. Se benɛ e je e nine ɔ, e tsake pee kaa bɔ nɛ e ngɛ sa a.

Mose IV, 11:2

Ma a kpa ngmlaa kɛ tsɛ Mose, nɛ Mose hu kpa Yawɛ pɛɛ; kɛkɛ nɛ la a gbo.

Mose IV, 12:12

Ko ha nɛ Miriam nɛ pee kaa nɔ ko nɛ gbo ngɛ e nyɛ muklii mi, nɛ benɛ a fɔ lɛ ɔ, e he womi ɔ fa pɔtɔ momo.”

La 30:2

Yawɛ, ye Mawu, i fa kue ha mo, nɛ o tsa mi.

La 41:4

I de ke, “Yawɛ, i pee mo yayami; naa mi mɔbɔ, nɛ o tsa mi.”

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.