Mose IV, 12:11 - BAIBLO ALOO NGMAMI KLƆUKLƆU Ɔ

¹¹ e de Mose ke, “Ye nyɔmtsɛ, i kpa mo pɛɛ, koo gbla wa tue ngɛ kuasia nɛ wa je, kɛ yayami nɛ wa pee nɛ ɔ he.

Mose IV, 12:11 ပူးပေါင်းရင်းမြစ်များ

Samuel II, 19:19

nɛ e de lɛ ke, “Nɛnɛ, yayami nɛ i pee mo ligbi ɔ nɛ o je Yerusalem ɔ, i kpa mo pɛɛ nɛ o kɛ pa mi. Mo ko ngɔ kɛ to ha mi, nɛ mo ko kai hu gblegbleegble.

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Mose II, 12:32

Nyɛɛ ho kɛ nyɛ to ɔmɛ, kɛ nyɛ na amɛ kaa bɔ nɛ nyɛ de ɔ. Nyɛɛ sɔle ha mi, konɛ Yawɛ nɛ gbaa imi hulɔ.”

Abɛ Womi 30:32

Ke o ya je kuasia, nɛ o ya wo o he nɔ, aloo o ya to ga yayami ɔ, pee dii nɛ o susu o yi mi.

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Mose IV, 11:2

Ma a kpa ngmlaa kɛ tsɛ Mose, nɛ Mose hu kpa Yawɛ pɛɛ; kɛkɛ nɛ la a gbo.

Mose IV, 12:12

Ko ha nɛ Miriam nɛ pee kaa nɔ ko nɛ gbo ngɛ e nyɛ muklii mi, nɛ benɛ a fɔ lɛ ɔ, e he womi ɔ fa pɔtɔ momo.”

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.