Mose IV, 11:22 - BAIBLO ALOO NGMAMI KLƆUKLƆU Ɔ

²² Anɛ a ma na tohi kɛ nahi maa gbe nɛ maa su mɛ? Aloo ke a bua wo mi lohi tsuo pɛpɛɛpɛ a nya a, e maa su mɛ?”

Mose IV, 11:22 ပူးပေါင်းရင်းမြစ်များ

Mateo 15:33

Kaseli ɔmɛ bi lɛ ke, “Nga nɔ hiɛmɛ nɛ ɔ, jije wa ma na niye ní ngɛ bɔ nɛ sa nɛ maa su ma kpekpemi nɛ ɔ nya?”

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Yohane 6:9

“Jokuɛ nyumuyo ko ngɛ hiɛ ɔ nɛ hɛɛ abolo bɔbɔɛ enuɔ nɛ a kɛ ngma pee, kɛ lo tsɔwi enyɔ, se lɔ ɔmɛ po tsa sui nɔ́ ko kɛ ha ma kpekpemi nɛ ɔ.”

Luka 1:34

Maria de bɔfo ɔ ke, “I li nyumu. Lɛ kɛ maa pee kɛɛ nɛ enɛ ɔ maa ba mi?”

Luka 1:18

Zakaria bi bɔfo ɔ ke, “Kɛ ma pee kɛ le enɛ ɔ kɛɛ? Hyɛ, nɔmoyo ji mi, nɛ ye yo hu bwɔ!”

Marko 8:4

E kaseli ɔmɛ he nɔ ke, “Jije nɔ ko ma ná niye ní nɛ maa su nimli kpekpemi nɛ ɔmɛ a nya ngɛ nga nɔ hiɛmɛ nɛ ɔ?”

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”

Mose IV, 11:13

Jije ma ná de lo ngɛ kɛ ha ma nɛ ɔ tsuo? Ejakaa a wo yana kɛ wo mi, nɛ a ngɛ mi dee ke ma ha mɛ de lo nɛ a ye.

Mose IV, 11:21

Mose de Yawɛ ke, “Ma a nɛ i hɛɛ ɔ, a kpɛti nyumuhi kɛkɛ a hiɛmi ji akpe lafa ekpa. Nɛ o deɔ ke o ma ha mɛ de lo nɛ a ye nyɔhiɔ mluku!

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”