Mose IV, 11:18 - BAIBLO ALOO NGMAMI KLƆUKLƆU Ɔ

¹⁸ Jehanɛ, mo de ma a ke, ‘Nyɛɛ tsukɔ nyɛ he kɛ ha hwɔɔ; ejakaa nyɛ maa ye de lo. Benɛ de lo jlo nyɛ, nɛ nyɛ fo he ya, nɛ nyɛ de ke nyɛ he mi jɔ nyɛ ngɛ Egipt zugba a nɔ mohu ɔ, Yawɛ nu. Lɔ ɔ he ɔ, Yawɛ ma ha nyɛ de lo nɛ nyɛɛ ye.

Mose IV, 11:18 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Hiob 20:23

Mawu ma ha e mi mi la nɛ nya wa a ma kple e nɔ kaa niye ní nɛ e ye nɛ e tɔ.

La 78:20

Niinɛ, e fia tɛ sa a nɔ́ nɛ nyu je mi kɛ be babaaba kaa pa nɛ hia. Se anɛ e ma nyɛ ma ha e ma a abolo, kɛ lo hu lo?”

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose II, 19:15

E de ma a ke, “Nyɛ dla nyɛ he ha hiɛmɛ nɛ ɔ ligbi nɛ ji etɛ ɔ; nɔ ko nɔ ko kó ta yo he.”

Mose II, 19:22

Jã kɛ̃, osɔfo ɔmɛ nɛ mɛɛ a nyɛɔ suu ye he ɔ, mɛ hu hyɛ nɛ a tsukɔ a he, bɔ nɛ pee nɛ Yawɛ ko ba kpata a hɛ mi.”

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Mose IV, 11:19

Pi ligbi kake, loo ligbi enyɔ, loo ligbi enuɔ, loo ligbi nyɔngma, loo ligbi nyingmi enyɔ kɛkɛ nɛ nyɛ maa ye.

Ni Tsumi 7:39

“Wa nɛmɛ ɔmɛ bui lɛ, mohu a hɛɛ lɛ soisoi, nɛ a hla kaa a maa kpale a se kɛ ho Egipt ya ekohu.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Manyadali 21:2

Kɛkɛ nɛ ma a ba Betel nɛ a ba hi si ngɛ Mawu hɛ mi ngɛ lejɛ ɔ kɛ ya si gbɔkuɛ. A wo yana boboobo, nɛ a bi ke,