Mose IV, 11:13 - BAIBLO ALOO NGMAMI KLƆUKLƆU Ɔ

¹³ Jije ma ná de lo ngɛ kɛ ha ma nɛ ɔ tsuo? Ejakaa a wo yana kɛ wo mi, nɛ a ngɛ mi dee ke ma ha mɛ de lo nɛ a ye.

Mose IV, 11:13 ပူးပေါင်းရင်းမြစ်များ

Matsɛmɛ II, 4:43

Se e tsɔlɔ ɔ de ke, “Nɔ́ nɛ ɔ tsa be nimli lafa sue!” Elisha ti mi nɛ e de lɛ ekohu ke, “Ngɔɔ ya ha ni ɔmɛ nɛ a ye; ejakaa bɔ nɛ Yawɛ de ji nɛ ɔ nɛ: ‘A maa ye hluu nɛ eko maa piɛ.’ ”

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose IV, 11:21

Mose de Yawɛ ke, “Ma a nɛ i hɛɛ ɔ, a kpɛti nyumuhi kɛkɛ a hiɛmi ji akpe lafa ekpa. Nɛ o deɔ ke o ma ha mɛ de lo nɛ a ye nyɔhiɔ mluku!

Mose IV, 11:22

Anɛ a ma na tohi kɛ nahi maa gbe nɛ maa su mɛ? Aloo ke a bua wo mi lohi tsuo pɛpɛɛpɛ a nya a, e maa su mɛ?”

Mateo 15:33

Kaseli ɔmɛ bi lɛ ke, “Nga nɔ hiɛmɛ nɛ ɔ, jije wa ma na niye ní ngɛ bɔ nɛ sa nɛ maa su ma kpekpemi nɛ ɔ nya?”

Marko 8:4

E kaseli ɔmɛ he nɔ ke, “Jije nɔ ko ma ná niye ní nɛ maa su nimli kpekpemi nɛ ɔmɛ a nya ngɛ nga nɔ hiɛmɛ nɛ ɔ?”

Marko 9:23

Yesu de lɛ ke, “O ngɛ dee ke, Ke o ma nyɛ, pi jã a? A ma nyɛ pee nɔ́ tsuaa nɔ́ ha nɔ nɛ heɔ yeɔ ɔ!”