Mose IV, 11:11 - BAIBLO ALOO NGMAMI KLƆUKLƆU Ɔ

¹¹ Mose bi Yawɛ ke, “Mɛni he je nɛ o ye imi, o tsɔlɔ sane yayami kikɛ nɛ ɔ? Mɛni he je nɛ o ná ye he abofu, nɛ o ngɔ ma nɛ ɔ tsuo yi tlomi ngɔ tloo mi ɔ?

Mose IV, 11:11 ပူးပေါင်းရင်းမြစ်များ

Mose V, 1:12

Kɛ ma pee kɛɛ nɛ imi nɔ kake too ma tloo ma tlomi nɛ jiɔ nɛ ɔ? Kɛ ma pee kɛɛ nɛ imi nɔ kake ma nyɛ hyɛ nyɛ munyu tsɔwitsɔwi ɔmɛ a mi ha nyɛ?

Mose II, 5:22

Kɛkɛ nɛ Mose kpale e se kɛ ho Yawɛ ngɔ ya ekohu, nɛ e ya bi lɛ ke, “Yawɛ, mɛni he je o pee o ma a yayami kikɛ nɛ ɔ? Mɛni he je o tsɔ mi kulaa?

2 Korintobi 11:28

Se enɛ ɔmɛ, kɛ ní kpa komɛ tsuo a se ɔ, asafo ɔmɛ a he susumi ngɛ kaa tlomi ngɛ ye kuɛ nɔ daa ligbi.

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 15:10

Akuanyɛ! Imi nɔmlɔ ɔ, i be bua jɔmi ko bua jɔmi ko kulaa! Mɛni he je ye nyɛ fɔ mi kɛ ba je nɛ ɔ mi kulaa? Nɔ tsuaa nɔ kɛ mi ngɛ nya sãe, nɛ nɔ tsuaa nɔ kɛ mi ngɛ pɛe ngɛ zugba a nɔ. I pɛ sika ha we nɔ ko, nɛ i pɛ sika ngɛ nɔ ko dɛ hulɔ; se kɛ̃ ɔ, nɔ tsuaa nɔ ngɛ mi gbiɛe.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Mose II, 17:4

Lɔ ɔ he ɔ, Mose kɛ hɛdɔ fa kue ha Yawɛ ke, “Kɛ ma pee ma nɛ ɔ kɛɛ? A miɔ nɛ a maa fia mi tɛ.”

Mose IV, 11:10

Mose nu nɛ ma a tsuo wo yana ngɛ a we puɔ nya ngɛ a bo tsu sinya amɛ a nya. Kɛkɛ nɛ Yawɛ mi mi fu wawɛɛ nitsɛ, nɛ nɔ́ nɛ ɔ ngɔɛ Mose nya kulaa.