Mose IV, 11:10 - BAIBLO ALOO NGMAMI KLƆUKLƆU Ɔ

¹⁰ Mose nu nɛ ma a tsuo wo yana ngɛ a we puɔ nya ngɛ a bo tsu sinya amɛ a nya. Kɛkɛ nɛ Yawɛ mi mi fu wawɛɛ nitsɛ, nɛ nɔ́ nɛ ɔ ngɔɛ Mose nya kulaa.

Mose IV, 11:10 ပူးပေါင်းရင်းမြစ်များ

La 78:21

Benɛ Yawɛ nu nɔ́ nɛ ɔ, e mi mi fu wawɛɛ nitsɛ. E ngɔ la kɛ gbla e ma a tue; e mi mi fumi ɔ nya bɛ si kulaa.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Yeremia 17:4

Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

La 139:21

Nihi nɛ bui mo ɔ, anɛ imi lɛɛ i buɔ mɛ lo? Nihi nɛ tsɔɔ o hɛ mi atuã a, anɛ i suɔ mɛ lo?

La 106:25

A tu munyu huitihuiti ngɛ a bo tsu ɔmɛ a mi; nɛ a bui Yawɛ tue.

La 78:59

Benɛ Mawu na nɔ́ nɛ ɔ, e mi mi fu, nɛ e kua e ma a pɛsɛpɛsɛ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Mose IV, 21:5

nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Mose IV, 16:27

Lɔ ɔ he ɔ, a hɛ mɛ kɛ je Kora, kɛ Datan, kɛ Abiram a bo tsu ɔmɛ a he. Datan kɛ Abiram je kpo ba da si ngɛ a bo tsu sinya amɛ a nya; a kɛ a binyumu ɔmɛ, kɛ a bimɛ tsɔwitsɔwi ɔmɛ.

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Mose IV, 11:9

Ke bɔ́ nɛ ngɛ sito he ɔ nyɔ mi kɛkɛ mana a hu pue si.

Mose IV, 11:11

Mose bi Yawɛ ke, “Mɛni he je nɛ o ye imi, o tsɔlɔ sane yayami kikɛ nɛ ɔ? Mɛni he je nɛ o ná ye he abofu, nɛ o ngɔ ma nɛ ɔ tsuo yi tlomi ngɔ tloo mi ɔ?

Mose IV, 12:9

Yawɛ mi mi fu mɛ wawɛɛ nitsɛ. Nɛ benɛ e si mɛ,