Mose IV, 10:9 - BAIBLO ALOO NGMAMI KLƆUKLƆU Ɔ

⁹ Ke he nyɛli ba tua nyɛ ngɛ nyɛ nitsɛmɛ nyɛ zugba nɔ, nɛ e ba mi kaa nyɛ gba ta kɛ fa nyɛ he ɔ, nyɛ kpa titimati ɔmɛ, nɛ nyɛ he ose. Kɛkɛ ɔ, Yawɛ, nyɛ Mawu ɔ ma kai nyɛ, nɛ e ma kpɔ nyɛ kɛ je nyɛ he nyɛli ɔmɛ a dɛ mi.

Mose IV, 10:9 ပူးပေါင်းရင်းမြစ်များ

Mose I, 8:1

Mawu kai Noa kɛ lohwe ɔmɛ tsuo nɛ e kɛ mɛ ngɛ lɛ ɔ mi ɔ; Mawu ha nɛ kɔɔhiɔ ko ba fia, nɛ nyu ɔ bɔni miimi.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 13:14

Benɛ Yuda bi ɔmɛ maa hyɛ ɔ, a na kaa a sa a yi; he nyɛli ngɛ a hɛ mi kɛ a se tsuo. Kɛkɛ nɛ a fa kue ha Yawɛ, nɛ osɔfo ɔmɛ kpa titimati ɔmɛ.

La 106:4

Yawɛ, ke o ngɛ o ma a mɔbɔ nae ɔ, mo kai imi hulɔ; ke o ngɛ a yi wami hee ɔ, ngɔɔ imi hu ngɔ piɛ a he.

La 106:42

A he nyɛli ɔmɛ ye a nɔ kɛ kɔni si wami; a wa mɛ yi mi, nɛ a ha nɛ a sɔmɔ mɛ.

La 136:23

Benɛ wa yi fi wawɛɛ ɔ, lɛ nɛ e kai wɔ; ejakaa e suɔmi ɔ ngɛ kɛ yaa neneene!

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 4:21

Ma hi ta nɛ ɔ hyɛe kɛ yaa si mɛni be? Ma hi titimati nɛ ɔ he nue kɛ yaa si mɛni be?

Yeremia 4:5

Nyɛ kpa titimati ngɛ zugba a nɔ tsuo! Nyɛ kpa bubuubui! Nyɛ de Yuda ma a, kɛ Yerusalem bi ɔmɛ ke a tu fo kɛ ya mahi nɛ a fia gbogbo kɛ wo a he ɔ a mi.

Yeremia 49:2

Se be ma nɛ ma ha nɛ nihi nɛ ngɛ Amon matsɛ ma Raba a maa nu nɛ a he ose kɛ ma. A ma kpata ma a hɛ mi, nɛ kɔpehi nɛ bɔle ma a, a maa mɛ a he la. Jamɛ a be ɔ, zugba a nɛ he nyɛli ɔmɛ ba kpɔ ngɛ Israel dɛ ɔ, Israel nine maa su nɔ ekohu.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Ezekiel 7:14

A ma kpa titimati, nɛ nɔ tsuaa nɔ maa pee klaalo kɛ ha ta. Se nɔ ko nɔ ko be ta yae, ejakaa Mawu mi mi fumi maa ba nɔ tsuaa nɔ nɔ.

Hosea 5:8

Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Zefania 1:16

Jamɛ a ligbi ɔ, ta titimatihi maa pɛ, nɛ ta buli ma he ose, nɛ a ma ba tua mahi nɛ a fia gbogbo kɛ wo a he, kɛ mɔ gagaagahi.

Mose IV, 31:6

Mose wo mɛ blɔ, nɛ osɔfo Eleazar bi Finehas kɛ mɛ ho ta a ya. Lɛ ji nɔ nɛ hɛɛ ní klɔuklɔu ɔmɛ, kɛ titimati ɔmɛ nɛ a kɛ ma hwɔ lele ɔ.

1 Korintobi 14:8

Nɛ ke titimati kpalɔ ɔ bɛ ɔ mi tsɔ we ɔ, mɛnɔ maa mia kɛ ha ta?

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Yoshua 6:5

Ke nyɛ nu nɛ a kpa bɛ ɔ nɛ e se kɛ ɔ, Israel ma a tsuo nɛ he ose wawɛɛ. Ke nyɛ pee ja a, Yeriko gbogbo ɔmɛ maa hule pue si tɛtlɛɛ. Kɛkɛ ɔ, nɔ tsuaa nɔ ma bu kɛ sɛ ma a mi.”

Manyadali 10:12

Sidon, Amalek, kɛ Maon bi ɔmɛ wa nyɛ yi mi be ko nɛ be ɔ, nɛ nyɛ fa kue ha mi. Anɛ i je we nyɛ kɛ ji a dɛ mi lo?

Manyadali 10:8

A hao Israel bi tsuo nɛ ngɛ Amor bi a zugba a nɔ, ngɛ Yordan pa a se, ngɛ Gilead ɔ wawɛɛ nitsɛ, nɛ a wa mɛ yi mi jeha nyɔngma kɛ kpaanyɔ sɔuu.

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Manyadali 3:27

Benɛ e ya su Efraim yo ɔmɛ a nɔ ɔ, e kpa titimati, nɛ e nyɛɛ Israel bi ɔmɛ a hɛ mi kɛ kple yoku ɔ.

Manyadali 6:34

Kɛkɛ nɛ Yawɛ mumi ɔ ba Gideon nɔ, nɛ e kpa titimati kɛ tsɛ Abiezer bi ɔmɛ ke a ba piɛ e he.

Manyadali 6:9

Imi lɛ i je nyɛ kɛ je Egipt bi ɔmɛ, kɛ ni nɛmɛ nɛ wa nyɛ yi mi ɔ tsuo a dɛ mi. Imi lɛ i fie mɛ kɛ je a zugba a nɔ, nɛ i ngɔ zugba a kɛ ha nyɛ,

Samuel I, 10:18

nɛ e de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Imi lɛ i kpaka nyɛ kɛ je Egipt kɛ ba. Imi lɛ i kpɔ nyɛ ngɛ Egipt bi ɔmɛ, kɛ ma kpa amɛ tsuo nɛ ngɛ nyɛ yi mi wae ɔ a dɛ mi.