Mose IV, 10:10 - BAIBLO ALOO NGMAMI KLƆUKLƆU Ɔ

¹⁰ Jehanɛ, ngɛ nyɛ nyami ligbihi, kɛ ligbi kpahi nɛ a to ɔ, kɛ Nyɔhiɔhe nyami be ɔmɛ hu nyɛ kpa titimati ɔmɛ be mi nɛ nyɛ ngɛ sami bɔ ɔmɛ, kɛ tue mi jɔmi bɔ ɔmɛ sãe. Nɔ́ nɛ ɔ ma ha nɛ nyɛ Mawu ɔ ma kai nyɛ. Imi ji Yawɛ, nyɛ Mawu ɔ nɛ.”

Mose IV, 10:10 ပူးပေါင်းရင်းမြစ်များ

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika II, 29:26

nɛ ngɛ kaa matsɛ David ní ɔmɛ pɛpɛɛpɛ. Osɔfo ɔmɛ hu daa si ngɛ lejɛ ɔ kɛ a titimati ɔmɛ.

Kronika II, 29:28

Ma a tsuo kpla si nɛ a ja Mawu; lali ɔmɛ la, nɛ titimati kpali ɔmɛ kpa titimati hluu kɛ ya si a sã sami bɔ ɔ gbe nya.

Kronika II, 7:6

Osɔfo ɔmɛ ya da a blɔ he ɔmɛ, nɛ Levi bi ɔmɛ ya da si nɛ a plɛ a hɛ mi kɛ kpee osɔfo ɔmɛ. A fia sakuhi nɛ Matsɛ David kpɛ ɔ kɛ je Yawɛ yi, nɛ a la ke, “Yawɛ suɔmi ɔ ngɛ daa kɛ daa!” Blɔ nya nɛ David to kɛ ha Levi bi ɔmɛ ji nɛ ɔ nɛ. Benɛ Israel ma a tsuo daa si ɔ, osɔfo ɔmɛ kpa titimatihi.

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

La 150:3

Nyɛ kpa titimati kɛ je e yi, nyɛ je e yi kɛ saku, kɛ kpa saku!

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 81:4

Mlaa nɛ ngɛ Israel ji nɛ ɔ nɛ; Yakob Mawu ɔ lɛ wo.

La 89:15

A gbaa nihi nɛ le bɔ nɛ a laa kɛ jaa mo. Mo Yawɛ, o maa na mɛ mɔbɔ daa.

Mose II, 28:29

“Be tsuaa be nɛ Aaron ma ya sɛ he klɔuklɔu ɔ, e hɛɛ Yakob bimɛ ɔmɛ a biɛhi ngɛ kojomi gugue tade ɔ mi ngɛ e tsui nya; konɛ imi Yawɛ, ma kɛ kai ye ma a daa.

Mose II, 30:16

Mo he sika nɛ ɔ ngɛ Israel bi ɔmɛ a dɛ, nɛ o kɛ wo kpe he bo tsu ɔ sɔmɔmi kpɛɛ ɔ mi. Tó nɛ ɔ maa pee nɔ́ nɛ a kɛ ma kpɔ a klaa, konɛ imi Yawɛ, ma kai nɛ ma bu a he.”

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Mose IV, 10:9

Ke he nyɛli ba tua nyɛ ngɛ nyɛ nitsɛmɛ nyɛ zugba nɔ, nɛ e ba mi kaa nyɛ gba ta kɛ fa nyɛ he ɔ, nyɛ kpa titimati ɔmɛ, nɛ nyɛ he ose. Kɛkɛ ɔ, Yawɛ, nyɛ Mawu ɔ ma kai nyɛ, nɛ e ma kpɔ nyɛ kɛ je nyɛ he nyɛli ɔmɛ a dɛ mi.

Mose IV, 28:11

“Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Mose IV, 29:1

Nyɔhiɔ nɛ ji kpaago ɔ we kekleekle ligbi ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa. Jamɛ a ligbi ɔ, nyɛ kpa titimati ɔmɛ,

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Ni Tsumi 10:4

Kornelio hyɛ lɛ too; gbeye nu lɛ, nɛ e bi ke, “Nyɔmtsɛ, mɛni sane?” Bɔfo ɔ de lɛ ke, “Kue nɛ o ngɛ fae, kɛ kpakpa nɛ o ngɛ pee ɔ, Mawu na he bua jɔmi.

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

1 Tesalonikabi 4:18

Lɔ ɔ he ɔ, nyɛɛ kɛ kikɛmɛ a munyu nɛ ɔmɛ nɛ wo nyɛ sibi a bua.

Yoshua 4:7

nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Yoshua 6:4

Osɔfohi kpaago nɛ a hɛɛ titimati kpaago nɛ a kɛ agbosu koli pee kɛ nyɛɛ somi daka a hɛ mi. Ligbi kpaagone ɔ nɔ ɔ, nyɛɛ bɔle ma a si kpaago, nɛ osɔfo ɔmɛ nɛ a hi titimati ɔmɛ kpae.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Samuel I, 20:5

David de Yonatan ke, “Hyɛ, hwɔɔ ji Nyɔhiɔhe nyami be ɔ nɛ, nɛ jinɛ e sa kaa i kɛ matsɛ ya ye ní. Se ha nɛ ma ya laa ye he ngɛ nga a nɔ kɛ yaa si ligbi etɛne ɔ gbɔkuɛ nya si.