Mose IV, 1:54 - BAIBLO ALOO NGMAMI KLƆUKLƆU Ɔ

⁵⁴ Israel ma a pee kaa bɔ nɛ Yawɛ fa Mose ke e pee ɔ.

Mose IV, 1:54 ပူးပေါင်းရင်းမြစ်များ

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 39:32

Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Mose II, 40:16

Mose pee kaa bɔ nɛ Yawɛ fa lɛ ɔ pɛpɛɛpɛ.

Mose IV, 1:19

nɛ Mose ngma a biɛ ngɛ Sinai nga a nɔ, kaa bɔ nɛ Yawɛ fa lɛ ɔ.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 2:1

Yawɛ de Mose kɛ Aaron ke,

Mose IV, 2:34

Bɔ nɛ Yawɛ fa Mose ɔ, ja pɛpɛɛpɛ Israel bi ɔmɛ pee. Ke ma a to si ɔ, a pueɔ si tabo nya tabo nya ngɛ wɛtso nya wɛtso nya, kɛ we puɔ nya we puɔ nya; nɛ ke a hia a, a nyɛɔ ja nɔuu.

Mose IV, 36:10

Zelofehad biyi ɔmɛ, Mahla, Tirza, Hogla, Milka, kɛ Noa pee kaa bɔ nɛ Yawɛ fa Mose ɔ, nɛ a gba a tsɛ nyɛminyumuhi a binyumuhi

Mose IV, 8:20

Mose kɛ Aaron, kɛ Israel ma kpekpemi ɔ tsukɔ Levi bi ɔmɛ a he, nɛ a hla mɛ ngɔ to kaa bɔ nɛ Yawɛ fa Mose ɔ.

Mose IV, 9:22

Ke ligbi enyɔ, aloo nyɔhiɔ kake, aloo be nɛ kɛ pe ja po nɛ bɔku ɔ daa si ngɛ kpe he ɔ yi mi ɔ, Israel bi ɔmɛ hii sito he ɔ nɛ a hiɛ blɔ; ja bɔku ɔ wo e he nɔ loko a maa hia blɔ.

Mose IV, 9:5

Nɛ a ye Hetsɔmi ɔ ngɛ Sinai nga a nɔ gbɔkuɛ nya si ngɛ kekleekle nyɔhiɔ ɔ we ligbi nɛ ji nyɔngma kɛ eywiɛ ɔ nɔ kaa bɔ nɛ Yawɛ fa Mose ɔ pɛpɛɛpɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.