Mose IV, 1:50 - BAIBLO ALOO NGMAMI KLƆUKLƆU Ɔ

⁵⁰ Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 1:50 ပူးပေါင်းရင်းမြစ်များ

Kronika II, 24:6

Enɛ ɔ he je ɔ, matsɛ ɔ tsɛ Yehoyada, a nyatsɛ ɔ, nɛ e bi lɛ ke, “Tó ɔ nɛ Yawɛ tsɔlɔ Mose de ke ma a nɛ tsu konɛ a kɛ tsu Yawɛ kpe he bo tsu ɔ he ní ɔ, mɛni he je o hyɛ we nɛ Levi bi ɔmɛ ya tsu ngɛ Yuda ma a amɛ a mi, kɛ Yerusalem ɔ?”

Nehemia 12:22

A ngma Levi bi ɔmɛ a weku ɔmɛ a nyatsɛmɛ ɔmɛ, kɛ osɔfo ɔmɛ a weku ɔmɛ a nyatsɛmɛ ɔmɛ hu a biɛhi ngɔ wo womi mi ngɛ osɔfo nikɔtɔma pe kulaa nɛ ɔmɛ a wami be mi: Eliashib, Yoyada, Yonatan, kɛ Yadua. A ya nɔ ngma biɛ nɛ ɔmɛ hluu kɛ ya si Persia matsɛ, Darius yi nɔ.

Nehemia 12:47

Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

Nehemia 12:8

Levi bi: Nihi nɛ hyɛɛ nɛ a la sina lahi ji Yeshua, Binui, Kadmiel, Sherebia, Yuda, kɛ Matania.

Nehemia 13:22

Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

La 122:4

Lejɛ ɔ nɛ Yawɛ wɛtso ɔmɛ yaa ya naa Yawɛ si kaa bɔ nɛ a fa Israel ma a ke a pee ɔ.

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 38:21

Ní slɔɔtohi nɛ a kɛ pee kpe he bo tsu ɔ, he nɛ a ngɔ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ ngɔ to ɔ ji nɛ ɔmɛ nɛ. Mose ji nɔ nɛ fa kaa a bua ní nɛ ɔmɛ a nya, nɛ osɔfo Aaron binyumu Itamar ji nɔ nɛ to blɔ nya ha Levi bi ɔmɛ nɛ a kɛ tsu ní ɔ.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 10:21

Jehanɛ, Kohat bi ɔmɛ nɛ tloo ní klɔuklɔu ɔmɛ hu hia; nɛ benɛ a ke a suu sito he kpa a, a na kaa a kɛ bo tsu ɔ ma si ngɛ lejɛ ɔ momo.

Mose IV, 17:7

Mose muɔ tso ɔmɛ tsuo ya pue Yawɛ somi daka a hɛ mi ngɛ kpe he bo tsu ɔ mi.

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose IV, 2:17

“Jehanɛ, Levi bi ɔmɛ maa tloo kpe he bo tsu ɔ kɛ maa hia; mɛ ji Israel ta a tsuo a kpɛti tabo. Bɔ nɛ ma a to si ɔ, ja a maa nyɛɛ, nɔ tsuaa nɔ ngɛ e ngwɔhe, kɛ e we aflaangaa sisi.

Mose IV, 20:11

Kikɛ nɛ ɔ nɛ Mose de pɛ kɛkɛ nɛ e wo e nine nɔ, nɛ e kɛ e tso ɔ fia tɛ sa a si enyɔ, nɛ nyu babauu je mi babaaba ha ma kpekpemi ɔ, kɛ a lohwe ɔmɛ nɛ a nu.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:3

kɛ je nɔ nɛ ye jeha nyingmi etɛ nɔ, kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.

Mose IV, 8:19

I ngɔ mɛ ngɔ ha Aaron kɛ e bimɛ ɔmɛ kaa Israel ma a tsuo a nike ní. A ma sɔmɔ ngɛ kpe he bo tsu ɔ mi, nɛ a ma kpata Yawɛ ha ma a, bɔ nɛ pee nɛ ke alini ma a hɛ mɛ kɛ su he klɔuklɔu ɔ he tsɔ ɔ, gbenɔ hiɔ kó sɛ a kpɛti.”

Mose IV, 8:20

Mose kɛ Aaron, kɛ Israel ma kpekpemi ɔ tsukɔ Levi bi ɔmɛ a he, nɛ a hla mɛ ngɔ to kaa bɔ nɛ Yawɛ fa Mose ɔ.

Mose IV, 8:22

Enɛ ɔ se ɔ, Levi bi ɔmɛ ya sɛ kpe he bo tsu ɔ mi, nɛ a sɔmɔ ngɛ lejɛ ɔ ngɛ Aaron kɛ e bimɛ ɔmɛ a sisi. Bɔ nɛ Yawɛ fa Mose ke a pee ha Levi bi ɔmɛ ɔ, ja pɛpɛɛpɛ nɛ a pee ha mɛ.

Kpojemi 15:5

Enɛ ɔ se ɔ, i na nɛ sɔlemi we ɔ nɛ ngɛ hiɔwe ɔ nya bli, nɛ bo tsu klɔuklɔu ɔ maa si ngɛ mi.