Mose IV, 1:4 - BAIBLO ALOO NGMAMI KLƆUKLƆU Ɔ

⁴ Wɛtso tsuaa wɛtso nɛ hla nɔ kake kɛ ba piɛ nyɛ he.”

Mose IV, 1:4 ပူးပေါင်းရင်းမြစ်များ

Matsɛmɛ I, 8:1

Enɛ ɔ se ɔ, Matsɛ Salomo ya kpee Israel ma nimeli ɔmɛ, kɛ wɛtsoyi ɔmɛ tsuo kɛ ba e ngɔ ngɛ Yerusalem, konɛ a ya ngɔ Yawɛ somi daka a kɛ je Zion, nɛ ji David ma a mi kɛ ba ma Yawɛ we ɔ.

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Mose IV, 17:3

Ngmaa Aaron biɛ ngɛ Levi tso ɔ he; ejakaa wɛtsoyi tsuaa wɛtsoyi ma na tso kake.

Mose IV, 25:14

Israel no ɔ nɛ a gbe e kɛ Midian yo ɔ, lɛ ji Salu binyumu Zimri. Wɛtsoyi ji lɛ ngɛ Simeon bi ɔmɛ a wɛtso ɔ mi.

Mose IV, 25:4

nɛ e de Mose ke, “Ngɔɔ ma nimeli ɔmɛ tsuo kɛ ya nɛ o ya sɛu mɛ ngɛ Yawɛ hɛ mi piani katakata; kɛkɛ ɔ, ye mi mi fumi nɛ nya wa a maa je Israel nɔ.”

Mose IV, 30:1

Mose de Israel wɛtsoyi ɔmɛ ke, “Mlaahi nɛ Yawɛ wo ji nɛ ɔmɛ nɛ.

Mose IV, 4:34

Kaa bɔ nɛ Yawɛ fa a, Mose kɛ Aaron, kɛ ma nimeli ɔmɛ ya kane nihi ngɛ Levi wɛtso ɔ we puɔ nya etɛ ɔmɛ a mi. Mɛ ji Kohat, Gershon, kɛ Merari. A ngma nyumuhi tsuo nɛ ye kɛ je jeha nyingmi etɛ kɛ ya si ni nɛmɛ nɛ ye jeha nyingmi enuɔ, nɛ a ma nyɛ tsu ní ngɛ kpe he bo tsu ɔ mi ɔ a biɛ. Bɔ nɛ e ba lɛ ha ji nɛ ɔ nɛ: WE PUƆ NYA NI ƆMƐ A HIƐMI Kohat 2,750 Gershon 2,630 Merari 3,200 Lɛ tsuo peeɔ 8,580

Mose IV, 7:2

Lɔ ɔ se ɔ, Israel wɛtso nikɔtɔma amɛ nɛ da wɛtso ɔmɛ a nya, be mi nɛ a kane ni ɔmɛ ɔ,

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Yoshua 22:14

Ma nimeli nyɔngma, kɛ Finehas ho. Israel wɛtso nyɔngma amɛ nɛ ngɛ beleku je ɔ, a wɛtsoyihi ji ma nimeli nɛ ɔmɛ.