Mose IV, 1:3 - BAIBLO ALOO NGMAMI KLƆUKLƆU Ɔ

³ Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

Mose IV, 1:3 ပူးပေါင်းရင်းမြစ်များ

Samuel II, 24:9

A ba bɔ matsɛ ɔ amaniɛ ke a kane nyumuhi nɛ a he wa, nɛ a su ta yami akpe lafa kpaanyɔ ngɛ Israel, kɛ akpe lafa enuɔ ngɛ Yuda.

Kronika I, 5:18

Ta buli akpe nyingmi eywiɛ kɛ eywiɛ kɛ e nya lafa kpaago kɛ nyingmi ekpa ngɛ Ruben wɛtso ɔ, Gad wɛtso ɔ kɛ Manase wɛtso fa a a mi. A je blɔ tsɔse mɛ, nɛ a le tsɛ̃i, klaate, kɛ kɛ̃ɛ̃ a he ní tsumi saminya.

Kronika II, 25:5

Matsɛ Amazia dla nyumuhi tsuo nɛ ngɛ Yuda, kɛ Benyamin wɛtso ɔmɛ a mi ɔ kɛ wo tabohi a mi we puɔ nya we puɔ nya. E ngɔ asafoatsɛmɛ ngɔ to nihi akpehi kɛ lafahi a nya, nɛ a na ta buli akpe lafa etɛ nɛ ji nyumuhi nɛ a ye jeha nyingmi enyɔɔnyɔ, kɛ ni nɛmɛ nɛ ye pe ja. Nimli nɛ ɔmɛ ɔ, ta buli nɛ a kɔni si wa ji mɛ tsuo pɛpɛɛpɛ; a le bɔ nɛ a kɛ akplɔ kɛ tsɛ̃i hwuɔ ta ha.

Mose II, 12:17

Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 30:14

Nɔ tsuaa nɔ nɛ ye kɛ je jeha nyingmi enyɔ kɛ yaa a, ke a kane lɛ pɛ e ngɔ nike ní nɛ ɔ ba ha mi.

Mose II, 38:26

Nɔ tsuaa nɔ ha ngɛ he klɔuklɔu ɔ susumi nɔ́ ɔ nya. Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ a kane lɛ ɔ, ha kikɛmɛ a sika nɛ ɔ. Nyumuhi abɔ nɛ a ngma a biɛ benɛ a ngɛ ni ɔmɛ kanee ɔ, a yibɔ ji nimli akpe lafa ekpa kɛ etɛ, kɛ e nya lafa enuɔ kɛ nyingmi enuɔ.

Mose IV, 14:29

Nyɛ ma gbo pue si ngɛ nga nɛ ɔ nɔ. Nihi tsuo nɛ a ye kɛ je jeha nyingmi enyɔ kɛ yaa, nɛ a ngma a biɛ, nɛ a hɔɔ nya si kɛ wo mi ɔ,

Mose IV, 26:2

“Nyɛɛ kane Israel ma kpekpemi ɔ tsuo we puɔ nya we puɔ nya, kɛ je ni nɛmɛ nɛ ye jeha nyingmi enyɔ kɛ yaa, nɛ a ma nyɛ ya ta a nɔ.”

Mose IV, 3:15

“Moo kane Levi bi ɔmɛ weku nya weku nya, kɛ we puɔ nya we puɔ nya, nɛ o ngma nyumu tsuaa nyumu nɛ ye kɛ je nyɔhiɔ kake kɛ yaa a e biɛ.”

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

Mose IV, 33:1

Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

Mose IV, 4:3

kɛ je nɔ nɛ ye jeha nyingmi etɛ nɔ, kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.

Mose V, 24:5

“Ke nyumu ko kpee yo he ɔ, a ko ha nɛ nyumu ɔ nɛ ya ta, nɛ a ko ha lɛ ma ní tsumi ko hu nɛ e tsu. A ha nɛ e hi si gu jeha kake, bɔ nɛ pee nɛ e hi we mi, nɛ e kɛ e yo ɔ tsuo a bua nɛ jɔ a he.

Mose V, 3:18

“Jamɛ a be ɔ mi nɔuu ɔ, i fa nyɛ ke, ‘Yawɛ, nyɛ Mawu ɔ ngɔ zugba nɛ ɔ ngɔ ha nyɛ kaa nyɛ weto ní. Nyɛ nihi nɛ nyɛ su ta yami ɔ, nyɛɛ mia kɛ ta hwumi ní kɛ nyɛɛ nyɛ nyɛmimɛ Israel wɛtso kpa amɛ a hɛ mi kɛ ya po Yordan pa a, nɛ nyɛɛ piɛ a he nɛ ngɔ a zugba a.