Mose III, 9:4 - BAIBLO ALOO NGMAMI KLƆUKLƆU Ɔ

⁴ Á ngɔ na ku, kɛ agbosu kɛ ba sã tue mi jɔmi bɔ ha Yawɛ kɛ piɛ niye ní bɔ nɛ a futu mi nu ɔ he. Á pee nɔ́ nɛ ɔ, ejakaa Yawɛ ma je e he kpo kɛ tsɔɔ mɛ mwɔnɛ ɔ.”

Mose III, 9:4 ပူးပေါင်းရင်းမြစ်များ

Mose II, 29:43

Lejɛ ɔ ji he nɛ i kɛ Israel ma a maa kpe ngɛ, nɛ ye hɛ mi nyami kpɛmi maa pee lejɛ ɔ klɔuklɔu.

Mose III, 9:23

Jehanɛ, Mose kɛ Aaron sɛ kpe he bo tsu ɔ mi, nɛ benɛ a je kpo ɔ, a gbaa ma a. Kɛkɛ nɛ Yawɛ hɛ mi nyami ɔ je kpo, nɛ ma a tsuo pɛpɛɛpɛ na.

Mose III, 9:6

Mose de mɛ ke, “Enɛ ɔ ji nɔ́ nɛ Yawɛ fa ke nyɛɛ pee konɛ nyɛɛ na Yawɛ hɛ mi nyami ɔ.”

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.

Mose IV, 16:19

Kora ya kpee ma kpekpemi ɔ tsuo kɛ ba kpe he bo tsu sinya a nya, nɛ a plɛ a hɛ mi ngɔ kpee Mose kɛ Aaron. Tlukaa a, Yawɛ hɛ mi nyami ɔ ba je e he kpo kɛ tsɔɔ ma kpekpemi ɔ tsuo.

Mose IV, 14:10

Kɛkɛ nɛ ma mluku ɔ tsuo de ke a fia mɛ tɛ. Se tlukaa a, Yawɛ hɛ mi nyami ɔ ba je e he kpo kɛ tsɔɔ Israel ma a tsuo ngɛ kpe he bo tsu ɔ he.

Mose III, 2:1

Ke nɔ ko ngɔ niye ní kɛ ma bɔ sami ha Yawɛ ɔ, é wɛɛ lɛ bukɔbukɔ kɛ pee mamu. E pue nɔ oliv nu, kɛ tsopa kɛ e he via,

Mose II, 24:16

Yawɛ hɛ mi nyami ɔ kple Sinai yo ɔ nɔ, nɛ bɔku ɔ ha yo ɔ nɔ ligbi ekpa. Ligbi nɛ ji kpaago ɔ, Yawɛ tsɛ Mose kɛ je bɔku ɔ mi. Benɛ Israel bi ɔmɛ na Yawɛ hɛ mi nyami ɔ, e pee mɛ kaa la nɛ ngɛ tsoe ngɛ yo ɔ yi mi. Mose hi lejɛ ɔ nyɔ kɛ pia nyɔ kɛ pia ligbi nyingmi eywiɛ.

Mose II, 19:11

nɛ benɛ e maa su ligbi nɛ ji etɛ ɔ, a dla a he; ejakaa hiɛmɛ nɛ ɔ ligbi nɛ ji etɛ ɔ, imi Yawɛ, ma kple si kɛ ba Sinai yo ɔ nɔ, nɛ nɔ tsuaa nɔ maa na mi.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose III, 9:3

De Israel bi ɔmɛ ke a ngɔ akpakpo kɛ ba sã yayami pami bɔ, nɛ a ngɔ na bi nɛ ye jeha kake, kɛ jijɔ nɛ ye jeha kake, nɛ kpa ko be a he kɛ ba sa sami bɔ.

Mose III, 9:5

A ngɔ ní nɛ ɔmɛ tsuo kɛ ba kpe he bo tsu ɔ hɛ mi kaa bɔ nɛ Mose fa mɛ ɔ. Kɛkɛ nɛ ma a tsuo bua a he nya ngɛ Yawɛ hɛ mi.

Mose III, 3:1

Ke nɔ ko ngɔ na kɛ ma tue mi jɔmi bɔ sami ha Yawɛ ɔ, eku jio, eyo jio, e pee na nɛ kpa ko be e he.

Ezekiel 43:27

Ke a gbe ligbi kpaago ní tsumi ɔ nya a, kɛ je ligbi kpaanyɔ ɔ hluu kɛ yaa a, osɔfo ɔmɛ nɛ a sã sami bɔ ɔmɛ, kɛ tue mi jɔmi bɔ ɔmɛ ngɛ bɔ sami la tɛ ɔ nɔ. Kɛkɛ ɔ, ye bua maa jɔ ma a tsuo he. Imi, Nyɔmtsɛ Yawɛ lɛ i de.”