Mose III, 9:2 - BAIBLO ALOO NGMAMI KLƆUKLƆU Ɔ

² nɛ e de Aaron ke, “Ngɔɔ na niheyo, kɛ agbosu nɛ kpa ko be a he kɛ ba sã bɔ ha Yawɛ. Ngɔɔ na niheyo ɔ kɛ sa yayami pami bɔ, nɛ o ngɔ agbosu ɔ kɛ sã sami bɔ.

Mose III, 9:2 ပူးပေါင်းရင်းမြစ်များ

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Mose III, 8:18

Enɛ ɔ se ɔ, Mose ngɔ agbosu ɔ nɛ a kɛ maa sã sami bɔ ɔ kɛ ba, nɛ Aaron kɛ e binyumu ɔmɛ ngɔ a nine ngɔ pue lohwe ɔ yi mi.

Mose III, 8:14

Jehanɛ, Mose ngɔ na ku ɔ nɛ a kɛ maa sã yayami pami bɔ ɔ kɛ ba, nɛ Aaron kɛ e binyumu ɔmɛ ngɔ a nine kɛ pue lohwe ɔ yi mi.

Mose II, 29:1

“Enɛ ɔ ji nɔ nɛ ó pee nɛ o kɛ tsukɔ Aaron kɛ e binyumu ɔmɛ a he nɛ a sɔmɔ mi kaa ye we osɔfohi. Ngɔɔ na niheyo kake, kɛ agbosu enyɔ nɛ kpa be a he.

Hebribi 5:3

Akɛnɛ lɛ nitsɛ ɔ sé ngɛ e he ɔ, e hia kaa e sã bɔ, pi kɛ ha ma a kɛkɛ, se ngɛ lɛ nitsɛ hu e yayami ɔmɛ a he.

Mose III, 9:3

De Israel bi ɔmɛ ke a ngɔ akpakpo kɛ ba sã yayami pami bɔ, nɛ a ngɔ na bi nɛ ye jeha kake, kɛ jijɔ nɛ ye jeha kake, nɛ kpa ko be a he kɛ ba sa sami bɔ.

Ezekiel 29:1

Benɛ a nuu wɔ kɛ ho ma se ya a, jeha nyɔngmane ɔ we nyɔhiɔ nyɔngma a we ligbi nyɔngma kɛ enyɔne ɔ, Yawɛ de mi ke,

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 16:3

E ma nyɛ maa ya he klɔuklɔu pe kulaa a ke e hɛɛ na niheyo kɛ ha yayami pami bɔ sami, nɛ e hɛɛ agbosu hu kɛ ha sami bɔ.”

Mose III, 16:5

Aaron nɛ he akpakpo enyɔ nɛ a kɛ maa sã yayami pami bɔ, kɛ agbosu kake nɛ a kɛ maa sã sami bɔ ngɛ Israel ma a tsuo dɛ.