Mose III, 8:8 - BAIBLO ALOO NGMAMI KLƆUKLƆU Ɔ

⁸ Lɔ ɔ se ɔ, e ngɔ hiɔwe tade ɔ nɛ Urim kɛ Tumim ngɛ mi ɔ ngɔ wo lɛ.

Mose III, 8:8 ပူးပေါင်းရင်းမြစ်များ

Ezra 2:63

Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

Efesobi 6:14

Lɔ ɔ he ɔ, nyɛɛ da si nɛ nyɛ ha anɔkuale nɛ miaa nyɛ kaa mlɛ mi fimi nɔ́, nɛ dami sane yemi nɛ pee kaa dama ngɛ nyɛ gugue mi.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Nehemia 7:65

Yuda nɔ yelɔ ɔ de mɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a ma na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Mose II, 29:1

“Enɛ ɔ ji nɔ nɛ ó pee nɛ o kɛ tsukɔ Aaron kɛ e binyumu ɔmɛ a he nɛ a sɔmɔ mi kaa ye we osɔfohi. Ngɔɔ na niheyo kake, kɛ agbosu enyɔ nɛ kpa be a he.