Mose III, 8:7 - BAIBLO ALOO NGMAMI KLƆUKLƆU Ɔ

⁷ E ngɔ yi nɔ tade ɔ ngɔ wo Aaron, nɛ e kɛ mlɛ mi fimi nɔ́ fi e mlɛ mi, nɛ e wo lɛ tade klɔii ɔ. Jehanɛ e ngɔ tade nɛ a tsɛɛ efɔd ɔ ngɔ wo lɛ, nɛ e kɛ efɔd ɔ he kpa nɛ a lo lɛ saminyayoo ɔ fi efɔd ɔ nɔ.

Mose III, 8:7 ပူးပေါင်းရင်းမြစ်များ

Mose II, 28:4

Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Mose II, 29:5

Lɔ ɔ se ɔ, wo tade ɔmɛ ha Aaron; hiɔwe tade ɔ, tade klɔii ɔ nɛ ngɛ efɔd ɔ nɔ ɔ, efɔd ɔ nitsɛ, kɛ gugue tade ɔmɛ, konɛ o ngɔ efɔd ɔ mlɛ mi fimi nɔ́ ɔ nɛ a je blɔ lo lɛ saminyayoo ɔ kɛ fi e mlɛ mi.

Mose II, 28:2

Moo kpɛ osɔfo tadehi ha o nyɛminyumu Aaron nɛ sa lɛ saminyayoo, nɛ bu nɛ ba e he.

Mose II, 28:6

“Efɔd ɔ lɛɛ níhi nɛ a maa ngɔ kɛ pee lɛ ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ, nɛ a kadi ní wo mi.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Ezekiel 42:14

Ke osɔfo ɔmɛ sɛ he klɔuklɔu ɔ, a be kpo jee kɛ ya kpo nɔ je kue ɔ mi; mohu a ma je a tade ɔmɛ nɛ a kɛ sɔmɔ ɔ kɛ pue si, ejakaa tade ɔmɛ ngɛ klɔuklɔu. A maa wo tade kpahi loko a maa je kpo kɛ ya he nɛ ma a ngɛ ɔ.”