Mose III, 8:30 - BAIBLO ALOO NGMAMI KLƆUKLƆU Ɔ

³⁰ Jehanɛ Mose ngɔ nɔ pɔmi nu ɔ eko, kɛ muɔ nɛ ngɛ bɔ sami la tɛ ɔ nɔ ɔ hu eko, nɛ e kɛ fĩa Aaron kɛ e tade ɔmɛ a nɔ, kɛ e binyumu ɔmɛ kɛ mɛ hu a tade ɔmɛ a nɔ. Mose pee enɛ ɔmɛ kɛ tsukɔ Aaron kɛ e tade ɔmɛ, kɛ e binyumu ɔmɛ kɛ mɛ hu a tade ɔmɛ a he.

Mose III, 8:30 ပူးပေါင်းရင်းမြစ်များ

Mose IV, 3:3

A pɔ mɛ nu, nɛ Aaron ngɔ mɛ ngɔ wo osɔfo yemi ní tsumi ɔ mi.

Mose II, 30:30

Jehanɛ moo pɔ Aaron kɛ e binyumu ɔmɛ nu, nɛ o tsukɔ a he, konɛ a sɔmɔ mi kaa osɔfohi.

Mose II, 29:21

Ngɔɔ muɔ nɛ ngɛ bɔ sami la tɛ ɔ nɔ ɔ eko, kɛ nu nɛ a kɛ pɔɔ nɔ ɔ hu eko, nɛ o fĩa kɛ pue Aaron kɛ e binyumu ɔmɛ, kɛ a tade ɔmɛ a nɔ. Enɛ ɔ maa pee Aaron kɛ e binyumu ɔmɛ, kɛ a tade ɔmɛ tsuo klɔuklɔu ha mi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Mose II, 28:2

Moo kpɛ osɔfo tadehi ha o nyɛminyumu Aaron nɛ sa lɛ saminyayoo, nɛ bu nɛ ba e he.

Mose III, 7:36

Jamɛ a ligbi ɔ nɛ Yawɛ pɔ mɛ nu ɔ nɛ e fa Israel bi ɔmɛ ke a ngɔ bɔ nɛ a sãã a mi fa nɛ ɔ ngɔ ha mɛ. E ji mlaa nɛ fɔɔ si ha Israel bi ɔmɛ kɛ a nina tsuo kulaa yi nɔhi tsuo.

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.

Mose III, 8:12

E plɛ nɔ pɔmi nu ɔ eko kɛ pue Aaron yi mi kɛ pɔ lɛ nu kɛ tsukɔ e he.