Mose III, 8:23 - BAIBLO ALOO NGMAMI KLƆUKLƆU Ɔ

²³ Mose gbe lɛ, nɛ e ngɔ e muɔ ɔ eko kɛ sa Aaron hiɔ nɔ tue nya lo ɔ he, nɛ e kɛ eko sa e hiɔ nine nguɛ gɔleku ɔ kɛ e hiɔ nane nguɛ gɔleku ɔ he.

Mose III, 8:23 ပူးပေါင်းရင်းမြစ်များ

Mose II, 29:20

Lɔ ɔ se ɔ, moo gbe to ɔ, nɛ o ngɔ e muɔ ɔ eko kɛ kpa Aaron kɛ e binyumu ɔmɛ a hiɔ nɔ tue nya lo ɔmɛ, a hiɔ nine gɔleku ɔmɛ, kɛ a hiɔ nane gɔleku ɔmɛ a he. Muɔ nɛ piɛ ɔ lɛɛ mo kpa kɛ pue bɔ sami la tɛ ɔ kɔ nya eywiɛ ɔmɛ tsuo.

Mose III, 14:17

É ngɔ nu ɔ nɛ ngɛ e dɛ mi ɔ eko nɛ e kɛ kpa nɔ nɛ ma e he tsukɔmi ɔ hiɔ nɔ tue nya lo, hiɔ nine nguɛ gɔleku, kɛ e hiɔ nane nguɛ gɔleku he. E ngɔ lohwe ɔ nɛ a kɛ ba sã fɔ yemi bɔ ɔ hu muɔ kɛ pee ja nɔuu.

Mose III, 14:14

Osɔfo ɔ nɛ ngɔ lohwe nɛ a kɛ ba sã fɔ yemi bɔ ɔ e muɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, kɛ e hiɔ nine nguɛ gɔleku, kɛ e hiɔ nane nguɛ gɔleku he.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Mose III, 14:28

Osɔfo ɔ nɛ ngɔ nu nɛ ngɛ e dɛ mi ɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, e hiɔ nine nguɛ gɔleku, kɛ e hiɔ nane nguɛ gɔleku ɔmɛ a he kaa bɔ nɛ e kɛ muɔ ɔ pee ɔ.

Hebribi 5:8

Mawu Bi ji lɛ mohu, se kɛ gu amanehlu nɛ e na a mi ɔ, e kase tue bumi.

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

Mose II, 29:21

Ngɔɔ muɔ nɛ ngɛ bɔ sami la tɛ ɔ nɔ ɔ eko, kɛ nu nɛ a kɛ pɔɔ nɔ ɔ hu eko, nɛ o fĩa kɛ pue Aaron kɛ e binyumu ɔmɛ, kɛ a tade ɔmɛ a nɔ. Enɛ ɔ maa pee Aaron kɛ e binyumu ɔmɛ, kɛ a tade ɔmɛ tsuo klɔuklɔu ha mi.

Mose III, 7:37

Mlaahi nɛ ngɛ kɛ ha sami bɔ, niye ní bɔ, yayami pami bɔ, fɔ yemi bɔ, osɔfo womi bɔ, kɛ tue mi jɔmi bɔ ji nɛ ɔmɛ nɛ.

Mose III, 14:25

Jehanɛ, é gbe agbosu ɔ, nɛ é ngɔ e muɔ ɔ eko kɛ kpa nɔ nɛ ma e he tsukɔmi ɔ hiɔ nɔ tue nya lo, kɛ e hiɔ nine nguɛ gɔleku, kɛ e hiɔ nane nguɛ gɔleku he.