Mose III, 7:5 - BAIBLO ALOO NGMAMI KLƆUKLƆU Ɔ

⁵ Osɔfo ɔ nɛ sã ní nɛ ɔmɛ tsuo ngɛ bɔ sami la tɛ ɔ nɔ kaa bɔ nɛ a kɛ la sãã kɛ ha Yawɛ; fɔ yemi bɔ ji nɛ ɔ nɛ.

Mose III, 7:5 ပူးပေါင်းရင်းမြစ်များ

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Mose III, 3:16

Osɔfo ɔmɛ nɛ a sã enɛ ɔmɛ tsuo ngɛ bɔ sami la tɛ ɔ nɔ, kaa niye ní bɔ nɛ a kɛ la sãã nɛ jee via. Zɔ ɔ tsuo pɛpɛɛpɛ ɔ, Yawɛ nɔ́.

Mose III, 2:16

Osɔfo ɔ nɛ ngɔ niye ní bɔ nɛ ɔ bɔbɔyoo kɛkɛ kaa okadi ngɛ niye ní bɔ ɔ tsuo nane mi. É sã nɔ́ nɛ ɔ, kɛ tsopa kɛ e he via a tsuo kaa bɔ nɛ a kɛ la sãã ha Yawɛ.

Mose III, 2:9

Osɔfo ɔ nɛ ngɔ bɔbɔyoo ko kɛkɛ kaa okadi ngɛ niye ní ɔ tsuo nane mi. É sã nɔ́ nɛ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 5:7

Ke nɔ ko be nyɛe ma ha jijɔ ɔ, é ngɔ lahuɛ enyɔ, loo beleku lahuɛ enyɔ kɛ ba ha Yawɛ kaa e yayami nɛ e pee ɔ he bɔ. Á ngɔ kake kɛ pee yayami pami bɔ, nɛ enyɔne ɔ, a kɛ pee sami bɔ.

Mose III, 7:4

e se tso mi ngmɛ enyɔ ɔmɛ kɛ a he zɔ nɛ ngɛ e mi si ɔ, kɛ e fafali ɔ he nɛ hi pe kulaa a.

Mose III, 7:6

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye. Se a ye lɛ ngɛ he ko nɛ ngɛ klɔuklɔu ejakaa e ji bɔ nɛ ngɛ klɔuklɔu pe kulaa.

Mose III, 3:3

Á je lohwe ɔ nɛ a kɛ maa sã tue mi jɔmi bɔ ɔ he ní nɛ ɔmɛ kɛ sã bɔ nɛ a kɛ la sãã ha Yawɛ: zɔ ɔ tsuo nɛ ha mi ní ɔmɛ a he ɔ,