Mose III, 7:32 - BAIBLO ALOO NGMAMI KLƆUKLƆU Ɔ

^32-33 Á ngɔ lohwe ɔ hiɔ fiɔ ɔ kɛ ha osɔfo ɔ nɛ ngɔ muɔ kɛ zɔ ɔ kɛ sã tue mi jɔmi bɔ ɔ kaa nike ní pɔtɛɛ ko. E blɔ nya nɔ́ ji nɛ ɔ nɛ.

Mose III, 7:32 ပူးပေါင်းရင်းမြစ်များ

Mose IV, 6:20

Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Mose III, 9:21

Kaa bɔ nɛ Mose fa ke a pee ɔ, gugue ɔmɛ, kɛ hiɔ nɔ fiɔ ɔ lɛɛ Aaron wo a nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose V, 18:3

“Be tsuaa be nɛ a maa gbe na, loo to kɛ sã bɔ ɔ, a je lohwe ɔ gugue, e tsitsa, kɛ e mi mi kotoku ɔ kɛ ha osɔfo ɔmɛ.

Mose III, 10:14

Se lohwe ɔ gugue nɛ a fɔɔ, kɛ fiɔ ɔ nɛ a woɔ nɔ́ ɔ, o kɛ o binyumu ɔmɛ, kɛ o biyi ɔmɛ nɛ ye ngɛ he ko nɛ tsɔ; ejakaa tue mi jɔmi bɔ ɔmɛ nɛ Israel bi ɔmɛ ba sãã a, o kɛ o bimɛ ɔmɛ nyɛ blɔ fa mi nɔ́ ji lɔ ɔ nɛ.

Mose II, 29:27

“Ke a wo nɔ ko osɔfo ɔ, agbosu nɛ a kɛ tsu ní ɔ, a tsukɔ e gugue ɔ, kɛ e fiɔ ɔ he kaa nike ní klɛdɛɛ ha mi, nɛ a kɛ ha osɔfo ɔmɛ kaa a blɔ nya ní.

Mose IV, 5:9

Jehanɛ se hu, nike ní klɛdɛɛ nɛ Israel bi ɔmɛ maa ngɔ kɛ ba ha Yawɛ ɔ, e maa pee osɔfo ɔ nɔ.

Samuel I, 9:24

Ní hoolɔ ɔ ngɔ lo fiɔ ɔ, kɛ bo mi fiɔ ɔ ba ma Saul hɛ mi. Nɛ Samuel de ke, “O nɛ, lo nɛ a kɛ to ha mo ji nɛ ɔ nɛ. Moo ye, ejakaa i je blɔ ngɔ to ha mo nɛ o ba ye kikɛmɛ a be nɛ ɔ kɛ nibwɔ ɔmɛ nɛ i kpee ɔ.” Lɔ ɔ he ɔ, Saul kɛ Samuel ye ní jamɛ a ligbi ɔ.