Mose III, 7:31 - BAIBLO ALOO NGMAMI KLƆUKLƆU Ɔ

³¹ Osɔfo ɔ nɛ sã zɔ ɔ tsuo ngɛ bɔ sami la tɛ ɔ nɔ, se gugue ɔ lɛɛ, e maa pee Aaron, kɛ e bimɛ ɔmɛ a nɔ́.

Mose III, 7:31 ပူးပေါင်းရင်းမြစ်များ

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose III, 3:16

Osɔfo ɔmɛ nɛ a sã enɛ ɔmɛ tsuo ngɛ bɔ sami la tɛ ɔ nɔ, kaa niye ní bɔ nɛ a kɛ la sãã nɛ jee via. Zɔ ɔ tsuo pɛpɛɛpɛ ɔ, Yawɛ nɔ́.

Mose III, 3:11

Osɔfo nɛ ngɛ ní tsue jamɛ a be ɔ mi ɔ nɛ sã enɛ ɔmɛ tsuo ngɛ bɔ sami la tɛ ɔ nɔ kaa niye ní bɔ nɛ a kɛ la sãã ha Yawɛ.

Mose III, 3:5

Osɔfo ɔmɛ nɛ a sã ní nɛ ɔmɛ tsuo kɛ sami bɔ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose IV, 18:18

A lo ɔ maa pee o nɔ, kaa bɔ nɛ bɔ nɛ a fɔɔ kɛ yaa kɛ baa a gugue ɔ, kɛ e hiɔ fiɔ ɔ peeɔ o nɔ ɔ.

Mose III, 8:29

Mose wo agbosu ɔ gugue ɔ nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Kaa bɔ nɛ Yawɛ fa Mose ɔ, ke a gbe agbosu kɛ pee kusumi kɛ wo osɔfo ɔ, Mose lɛɛ e blɔ fa mi nɔ́ ji nɛ ɔ nɛ.

Mose III, 6:26

Jehanɛ, osɔfo ɔ nɛ maa sã lohwe ɔ, e ye ngɛ he ko nɛ ngɛ klɔuklɔu ngɛ kue ɔ nɛ ngɛ kpe he bo tsu ɔ mi ɔ mi.

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.

1 Korintobi 9:13

I heɔ yeɔ kaa nyɛ le kaa nihi nɛ tsuɔ ní ngɛ sɔlemi we ɔ, sɔlemi we ɔ a naa a nya mi ngma kɛ jeɔ. Ni nɛmɛ nɛ a ní tsumi ji kaa a sã bɔ ngɛ bɔ sami la tɛ ɔ nɔ ɔ, mɛ hu níhi nɛ a kɛ ba sã bɔ ɔ eko a yeɔ.

Mose II, 29:26

“Jehanɛ, agbosu ɔ nɛ a kɛ sã bɔ kɛ wo Aaron osɔfo ɔ, o je e gugue, nɛ o fɔ ngɛ hiɔwe kɛ ya kɛ ba ngɛ imi Yawɛ, ye hɛ mi kɛ tsɔɔ kaa a tsukɔ he kɛ ha mi. Lohwe ɔ gugue ɔ maa pee mo hu o blɔ nya nɔ́.

Mose IV, 18:11

“Jehanɛ, nike ní klɛdɛɛ kpa komɛ nɛ Israel bi ɔmɛ kɛ baa a, lɔ ɔmɛ hu maa pee o nɔ. I ngɔ mɛ kɛ ha mo, kɛ o binyumu ɔmɛ, kɛ o biyi ɔmɛ, kaa nyɛ blɔ fa mi nɔ́ kɛ yaa neneene. O we mi bimɛ tsuo nɛ a he tsɔ ɔ, a ye eko.

Mose V, 18:3

“Be tsuaa be nɛ a maa gbe na, loo to kɛ sã bɔ ɔ, a je lohwe ɔ gugue, e tsitsa, kɛ e mi mi kotoku ɔ kɛ ha osɔfo ɔmɛ.