Mose III, 7:30 - BAIBLO ALOO NGMAMI KLƆUKLƆU Ɔ

³⁰ Lɛ nitsɛ e hɛɛ ngɛ e dɛ mi kɛ ba kaa bɔ nɛ a kɛ la sãã kɛ ha Yawɛ. É ngɔ zɔ ɔ kɛ piɛ lohwe ɔ gugue ɔ he kɛ ba kaa bɔ nɛ á fɔɔ kɛ yaa kɛ baa ngɛ Yawɛ hɛ mi.

Mose III, 7:30 ပူးပေါင်းရင်းမြစ်များ

Mose IV, 6:20

Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Mose III, 3:14

Jehanɛ, á je lohwe ɔ he ní nɛ ɔmɛ, nɛ á ngɔ kɛ sã bɔ nɛ a kɛ la sãã ha Yawɛ: zɔ ɔ tsuo nɛ ha mi ní ɔmɛ a he ɔ,

Mose III, 3:9

Jehanɛ, lohwe ɔ nɛ a kɛ maa sã tue mi jɔmi bɔ ɔ, a ngɔ e he ní nɛ ɔmɛ kɛ sã bɔ nɛ a kɛ la sãã ha Yawɛ: zɔ ɔ kɛ e hlemi ɔ kulaa nɛ a je kɛ je e se tso ɔ he ɔ, zɔ ɔ tsuo nɛ ha e mi ní ɔmɛ a he ɔ,

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

Yohane 10:18

Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Mose III, 9:21

Kaa bɔ nɛ Mose fa ke a pee ɔ, gugue ɔmɛ, kɛ hiɔ nɔ fiɔ ɔ lɛɛ Aaron wo a nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose III, 8:27

E ngɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ mi, nɛ a wo nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose III, 8:29

Mose wo agbosu ɔ gugue ɔ nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Kaa bɔ nɛ Yawɛ fa Mose ɔ, ke a gbe agbosu kɛ pee kusumi kɛ wo osɔfo ɔ, Mose lɛɛ e blɔ fa mi nɔ́ ji nɛ ɔ nɛ.

Mose III, 10:14

Se lohwe ɔ gugue nɛ a fɔɔ, kɛ fiɔ ɔ nɛ a woɔ nɔ́ ɔ, o kɛ o binyumu ɔmɛ, kɛ o biyi ɔmɛ nɛ ye ngɛ he ko nɛ tsɔ; ejakaa tue mi jɔmi bɔ ɔmɛ nɛ Israel bi ɔmɛ ba sãã a, o kɛ o bimɛ ɔmɛ nyɛ blɔ fa mi nɔ́ ji lɔ ɔ nɛ.

Mose IV, 8:11

Kɛkɛ Aaron maa pee kusumi klɛdɛɛ ko kɛ tsɔɔ kaa a hla Levi bi ɔmɛ kɛ ha imi Yawɛ, kaa Israel ma mluku ɔ a nike ní klɛdɛɛ, konɛ a sɔmɔ mi.

Mose III, 9:20

Aaron ngɔ mɛ ngɔ pue lohwe ɔmɛ a gugue ɔmɛ a nɔ, nɛ e ya sã mɛ ngɛ bɔ sami la tɛ ɔ nɔ.

Mose III, 10:15

Fiɔ ɔ, kɛ gugue ɔ nɛ a fɔɔ kɛ yaa kɛ baa ngɛ Yawɛ hɛ mi ɔ, á ngɔ kɛ piɛ zɔ ɔ nɛ a kɛ la sãã a he kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Fiɔ ɔ, kɛ gugue ɔ maa pee o kɛ o binyumu ɔmɛ nyɛ nɔ́ kɛ yaa neneene kaa bɔ nɛ Yawɛ fa a.”

Mose V, 18:3

“Be tsuaa be nɛ a maa gbe na, loo to kɛ sã bɔ ɔ, a je lohwe ɔ gugue, e tsitsa, kɛ e mi mi kotoku ɔ kɛ ha osɔfo ɔmɛ.