Mose III, 7:19 - BAIBLO ALOO NGMAMI KLƆUKLƆU Ɔ

¹⁹ Ke nɔ́ ko nɛ he tsɔ we he sa lo nɛ ɔ he ɔ, á ko ye; á sã. Nɔ tsuaa nɔ nɛ he tsɔ ngɛ he blɔ kaa e maa ye lo nɛ a kɛ ba sã bɔ ɔ eko.

Mose III, 7:19 ပူးပေါင်းရင်းမြစ်များ

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Romabi 14:20

Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Ni Tsumi 10:28

Nɛ e de mɛ ke, “Nyɛ nitsɛmɛ nyɛ le kaa Yuda no be he blɔ nɛ e kɛ ma kpa ko mi no bɔɔ, aloo e baa e ngɔ. Se imi lɛɛ Mawu je tsɔɔ mi ke ma ko bu nɔ ko yaka nɔmlɔ, loo nɔ nɛ he tsɔ we.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Mose III, 6:27

Nɔ́ tsuaa nɔ́ nɛ he maa sa lo nɛ ɔ he ɔ ma plɛ pee nɔ́ klɔuklɔu; ke e muɔ nɛ a fĩa a eko sɛ tade mi ɔ, a fɔ tade ɔ he ngɛ he ko nɛ ngɛ klɔuklɔu.

Mose III, 7:18

Ke nɔ ko ye lo nɛ ye ligbi etɛ ɔ eko ɔ, Mawu be e bɔ sami ɔ he tsui nae, nɛ a be bue ha lɛ kaa e sã bɔ hulɔ. A hiɔ; nɔ nɛ maa ye eko ɔ, e musu maa tloo lɛ.

Mose III, 7:20

Se nɔ nɛ he tsɔ we nɛ maa ye eko ɔ, á je lɛ we; á ko bu lɛ ngɔ si Mawu ma a mi bi ɔmɛ a nɔ hu.