Mose III, 7:18 - BAIBLO ALOO NGMAMI KLƆUKLƆU Ɔ

¹⁸ Ke nɔ ko ye lo nɛ ye ligbi etɛ ɔ eko ɔ, Mawu be e bɔ sami ɔ he tsui nae, nɛ a be bue ha lɛ kaa e sã bɔ hulɔ. A hiɔ; nɔ nɛ maa ye eko ɔ, e musu maa tloo lɛ.

Mose III, 7:18 ပူးပေါင်းရင်းမြစ်များ

Mose IV, 18:27

Yawɛ maa ngɔ nɔ́ nɛ ɔ kaa ngma nɛ je nyɛ nitsɛmɛ nyɛ ngma mi sami he, loo wai he nɛ je nyɛ nitsɛmɛ nyɛ wai muɔ mi.

Mose III, 22:25

“Nyɛ ko he kikɛmɛ a lohwe nɛ ɔmɛ eko kɛ je nibwɔhi a dɛ kɛ ba sã niye ní bɔ ha nyɛ Mawu ɔ; akɛnɛ kpa ngɛ a he ɔ, a be mɛ ngɔe.

Mose III, 11:41

Lohwehi nɛ sãã si ɔ, a he tsɔ we; nyɛ ko ye.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 14:10

Bɔ nɛ Yawɛ ngɛ dee ngɛ nimli nɛ ɔmɛ a he ji nɛ ɔ nɛ: “A suɔ kaa a maa je ye blɔ ɔmɛ a nɔ kɛ ya kpa ngɛ he nɛ a suɔ. Enɛ ɔ he je ɔ, i sume mɛ. Ma kai yayamihi nɛ a pee ɔ, nɛ ma gbla a tue.”

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yesaya 65:4

nyɔ mi tsuo a hii yɔkɔhi a mi, kɛ hehi nɛ e sɛ́ nɛ a na mɛ ngɛ; kpotoo lo pohu a yeɔ, kɛ flɔɔ nɛ a ngɔ níhi nɛ a hiee kɛ pee ngɛ a tsesihi a mi.

Mose III, 22:23

Na ku, loo jijɔ bi nɛ e nine, loo e nane ka tsɔ ɔ, a ma nyɛ kɛ ba kaa bɔ nɛ je tsui mi faa. Se ke a kɛ ba kaa bɔ nɛ a wo he si ɔ, lɛɛ a be ngɔe.

Mose III, 22:16

a ko ha nɔ ko nɛ sɛ́ nɛ ye eko. Ke a pee ja a, nɔ ɔ tɔ, nɛ a maa gbla e tue. Imi ji Yawɛ nɛ tsukɔɔ bɔ ɔmɛ a he ɔ nɛ.”

Mose III, 20:19

Ke nyumu ko kɛ e nyɛ nyɛmiyo, loo e tsɛ nyɛmiyo na nyumu kɛ yo bɔmi ɔ, musu tloo mɛ, ejakaa nyɛmimɛ ji mɛ.

Mose III, 20:17

Ke nyumu ko kɛ e nyɛmiyo na bɔmi ɔ, e tsɛbi ji lɛ jio, e nyɛbi ji lɛ jio, a tsu zo ní. A je mɛ we; a ko bu mɛ ngɔ si Mawu ma a mi bi ɔmɛ a nɔ hu. E nyɛmiyo e kɛ na bɔmi ɔ nɛ, lɔ ɔ he ɔ, nyumu ɔ musu tloo lɛ nitsɛ.

Mose III, 17:16

Ke e fɔ we e tade ɔmɛ a he, nɛ́ e du e he ɔ, e musu maa tloo lɛ.

Mose III, 10:19

Aaron he nɔ ke, “O nɛ, mwɔnɛ ɔ, ma a ngɔ a he yayami pami bɔ ɔ, kɛ a sami bɔ ɔ ba ha Yawɛ, nɛ nɔ́ nɛ ba ye nɔ ji nɛ ɔ nɛ! Kaa i ye yayami pami bɔ nɛ ɔ eko mwɔnɛ ɔ, e ko sa Yawɛ hɛ mi lo?”

Mose III, 10:17

“Mɛni he je nɛ nyɛ yi yayami pami bɔ ɔ ngɛ he klɔuklɔu ɔ? Nyɛ li kaa e ji nɔ́ ko nɛ ngɛ klɔuklɔu, nɛ Mawu kɛ ha nyɛ nɛ nyɛ kɛ je ma a he yayami kɛ kpata Yawɛ kɛ ha mɛ lo?

Mose III, 5:17

Ke nɔ ko li e he be, nɛ e pee yayami, nɛ e tɔ̃ Yawɛ mlaa amɛ eko nɔ ɔ, e yeɔ fɔ, nɛ e sa nɛ a gbla e tue.

Mose III, 7:19

Ke nɔ́ ko nɛ he tsɔ we he sa lo nɛ ɔ he ɔ, á ko ye; á sã. Nɔ tsuaa nɔ nɛ he tsɔ ngɛ he blɔ kaa e maa ye lo nɛ a kɛ ba sã bɔ ɔ eko.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Mose III, 19:5

“Ke nyɛ gbe lohwe nɛ a kɛ maa sã tue mi jɔmi bɔ ha imi Yawɛ, nyɛ Mawu ɔ, mlaahi nɛ i wo nyɛ ɔ, nyɛɛ ye a nɔ, konɛ e sa ye hɛ mi.