Mose III, 7:16 - BAIBLO ALOO NGMAMI KLƆUKLƆU Ɔ

¹⁶ Ke nɔ ko ba sã tue mi jɔmi bɔ ɔ; nɔ́ ko nɛ e wo he si jio, nɔ́ nɛ je e tsui mi faa jio, a ma nyɛ ye lo ɔ ligbi ɔ nɛ e kɛ ba a. Ke eko piɛ ɔ, a ye e nɔ jena.

Mose III, 7:16 ပူးပေါင်းရင်းမြစ်များ

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Ezekiel 46:12

“Ke ganɔ ɔ je e tsui mi faa kɛ ma bɔ sami ha Yawɛ ɔ, bɔ nɛ e maa sã lɛ tsuo jio, sina bɔ jio, a bli agbo nɛ ngɛ beleku je ɔ ha lɛ. E sã e bɔ ɔ kaa bɔ nɛ e peeɔ Hejɔɔmi ligbi ɔ. Ke e gbe nya a, e je kpo, nɛ a nga agbo ɔ.”

La 116:18

Ma ye ye siwo ɔ nɔ ha mo ngɛ mo Yawɛ, o we klɔuklɔu ɔ ngɛ Yerusalem, ngɛ ma kpekpemi ɔ tsuo a hɛ mi. A je Yawɛ yi!

La 116:14

Ma ye ye siwo nɔ ha Yawɛ ngɛ ma kpekpemi ɔ tsuo hɛ mi.

La 66:13

Ma ngɔ sami bɔ kɛ ba o we ɔ, ma ye ye siwo ɔmɛ a nɔ ha mo.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.

Mose V, 12:17

Nyɛ ko ye níhi nɛ nyɛ kɛ ke Yawɛ, nyɛ Mawu ɔ ekoeko ngɛ nyɛ hi he ɔmɛ, nyɛ blɛfo mi dlami nyɔngmanyɔngma mi kakaaka a jio, nyɛ wai jio, nyɛ oliv nu jio, loo nyɛ na amɛ kɛ to ɔmɛ a kekleekle bi ɔmɛ eko jio, nike níhi nɛ nyɛ wo si kaa nyɛɛ kɛ ma ha Yawɛ ɔ eko jio, nɔ́ nɛ je nyɛ tsui mi faa jio, loo bɔ kpa komɛ jio.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Mose III, 23:38

Nyami be nɛ ɔmɛ piɛ Yawɛ daa Hejɔɔmi ligbi ɔ he. Nike ní, kɛ bɔhi nɛ a maa sã kɛ piɛ nyɛ bɔhi nɛ nyɛ wo he si ɔ, kɛ bɔhi nɛ je tsui mi faa a a he ɔ, nyɛɛ sã mɛ tsuo pɛpɛɛpɛ kɛ ha Yawɛ.

Mose III, 22:29

Nyɛɛ sã sina bɔ ha Yawɛ ngɛ mlaa a nya, bɔ nɛ pee nɛ a he nyɛ bɔ ɔ.

Mose III, 22:23

Na ku, loo jijɔ bi nɛ e nine, loo e nane ka tsɔ ɔ, a ma nyɛ kɛ ba kaa bɔ nɛ je tsui mi faa. Se ke a kɛ ba kaa bɔ nɛ a wo he si ɔ, lɛɛ a be ngɔe.

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Abɛ Womi 7:14

“I wo si ke ma sã bɔ ko; nɛ mwɔnɛ ligbi nɛ ɔ, i ye ye siwo ɔ nɔ.