Mose III, 7:12 - BAIBLO ALOO NGMAMI KLƆUKLƆU Ɔ

¹² Ke nɔ ko ma bɔ ɔ sami nɛ e kɛ na Yawɛ si ɔ, e ngɔ ní nɛ ɔmɛ kɛ piɛ e lohwe nɛ e kɛ ma bɔ sami ɔ he kɛ ba: abolo kplolo nɛ a wo mi nu, akpɔɔnɔɔ nɛ a kɛ kplolo sã nɛ a kpa he nu, kɛ akpɔɔnɔɔ nɛ a kɛ mamu bukɔbukɔ nɛ a wo mi nu saminya sã.

Mose III, 7:12 ပူးပေါင်းရင်းမြစ်များ

Mose IV, 6:15

Jehanɛ se hu, e ngɔ abolo kplolo kusii kake, kɛ keeki nɛ a kɛ mamu bukɔbukɔ nɛ a futu mi nu pee, kɛ akpɔɔnɔɔ nɛ a wui mi masa, se a ngɔ nu kɛ kpa hɛ mi kɛ piɛ niye ní bɔ ɔ, kɛ dã nɛ a kɛ maa sã bɔ ɔ a he kɛ ba.

Mose III, 2:4

Ke niye ní nɛ a sã ngɛ flɔɔnɔɔ mi nɔ ko ngɔ kɛ ma bɔ sami ɔ, é pee keeki nɛ a kɛ mamu bukɔbukɔ nɛ a wo mi nu sã, loo e pee akpɔɔnɔɔ nɛ a pɔ he nu.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

Efesobi 5:20

Be tsuaa be ɔ, nyɛɛ na Tsɛ Mawu si ngɛ nɔ́ tsuaa nɔ́ he.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Luka 17:18

Mɛni he je nɛ ma se no nɛ ɔ pɛ lɛ kpale e se kɛ ba na Mawu si ɔ?”

Luka 17:16

E kɛ e hɛ mi ba bu si ngɛ Yesu nane nya, nɛ e na lɛ si. Se nyumu ɔ, Samaria no ji lɛ.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

La 116:17

Ma sã bɔ kɛ na mo si; mo Yawɛ ma fa kue ha.

La 107:8

E sa kaa nimli nɛ ɔmɛ nɛ a na Yawɛ si; ejakaa e tsu nyakpɛ níhi ha mɛ; e suɔmi ɔ ngɛ daa.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

Kronika II, 33:16

E dla bɔ sami la tɛ ɔ nɛ ngɛ he nɛ a jaa Yawɛ ngɛ ɔ, nɛ e sã tue mi jɔmi bɔhi, kɛ sina bɔhi ngɛ nɔ. E fa Yuda ma a tsuo ke a sɔmɔ Yawɛ, Israel Mawu ɔ.

Kronika II, 29:31

Hezekia de ma a ke, “Jehanɛ lɛɛ nyɛ pee nyɛ he klɔuklɔu. Lɔ ɔ he ɔ, nyɛɛ ngɔ bɔhi, kɛ sina bɔ ba ha Yawɛ.” A pee ja, nɛ a ti ni komɛ je a tsui mi faa nɛ a ngɔ lohwehi kɛ ba konɛ a kɛ sã sami bɔhi.

Mose III, 22:29

Nyɛɛ sã sina bɔ ha Yawɛ ngɛ mlaa a nya, bɔ nɛ pee nɛ a he nyɛ bɔ ɔ.

Mose III, 7:15

A ye lohwe ɔ nɛ a kɛ ba sã bɔ ɔ jamɛ a ligbi ɔ nɔuu; a ko si eko nɛ je nɛ e na yi.

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Mose III, 2:5

Ke niye ní nɛ a sã ngɛ ngɛyu mi nɔ ko kɛ ma bɔ sami ɔ, é pee nɔ́ nɛ a kɛ kplolo mamu bukɔbukɔ nɛ a kɛ nu futu mi lɛ pee.

Amos 4:5

Ke nyɛɛ kɛ abolo ma Mawu si nami ɔ, nyɛ peeɔ yayami! Jehanɛ, ke nyɛ je nyɛ tsui mi faa, nɛ nyɛ ngɔ bɔ kpa komɛ kɛ ma po, nyɛ suɔ kaa nyɛɛ fĩa! Israel ma, nɔ́ nɛ nyɛ suɔ peemi ji nɛ ɔ nɛ. Nyɛɛ ya nɔ nɛ nyɛɛ pee!